വേണ്ടത് ഒരേയൊരു സിക്‌സ്; ഇന്ത്യന്‍ ക്രിക്കറ്റിലെ സിക്‌സര്‍മാനാവാന്‍ ഹിറ്റ്‌മാന്‍
വിൻഡീസിനെതിരെ ഒരു സിക്‌സർ പറത്തിയാൽ രാജ്യാന്തര ക്രിക്കറ്റിൽ 400 സിക്‌സ് എന്ന നേട്ടം സ്വന്തമാക്കുന്ന ആദ്യ ഇന്ത്യൻ താരമാവും രോഹിത് ശർമ്മ
ഹൈദരാബാദ്: ഇന്ത്യ- വെസ്റ്റ് ഇന്‍ഡീസ് ടി20യില്‍ ചരിത്ര നേട്ടത്തിനരികെയാണ് ഇന്ത്യൻ താരം രോഹിത് ശർമ്മ. വിൻഡീസിനെതിരെ ഒരു സിക്‌സർ പറത്തിയാൽ രാജ്യാന്തര ക്രിക്കറ്റിൽ 400 സിക്‌സ് എന്ന നേട്ടം സ്വന്തമാക്കുന്ന ആദ്യ ഇന്ത്യൻ താരമാവും രോഹിത് ശർമ്മ.
പാകിസ്ഥാന്റെ ഷാഹിദ് അഫ്രീദിയും വിന്‍ഡീസിന്‍റെ ക്രിസ് ഗെയ്‍ലും മാത്രമേ രാജ്യാന്തര ക്രിക്കറ്റിൽ 400 സിക്‌സർ നേടിയിട്ടുള്ളൂ. അഫ്രീദി 476 സിക്‌സും ക്രിസ് ഗെയ്ൽ 534 സിക്‌സും പറത്തിയിട്ടുണ്ട്. ഒരു ടെസ്റ്റ് പരമ്പരയിൽ ഏറ്റവും കൂടുതൽ സിക്‌സർ നേടിയ താരവും രോഹിതാണ്. ദക്ഷിണാഫ്രിക്കയ്‌ക്കെതിരായ പരമ്പരയിൽ 19 സിക്‌സാണ് രോഹിത് നേടിയത്.
വെസ്റ്റ് ഇന്‍ഡീസിനെതിരെ മൂന്ന് വീതം ഏകദിനങ്ങളും ടി20യും ടീം ഇന്ത്യ കളിക്കും. ആദ്യ ടി20 ഹൈദരാബാദില്‍ വെള്ളിയാഴ്‌ച നടക്കും. ഓപ്പണറാണ് എന്നിരിക്കേ ഹിറ്റ്‌മാന്‍ രോഹിത് ശര്‍മ്മ ചരിത്രനേട്ടം സ്വന്തമാക്കുമെന്നുറപ്പ്.
