ഓഫ്സ്റ്റംപ് മീറ്ററുകള്ക്കപ്പുറത്തേക്ക് പറന്നുപോയി. സ്മിത്ത് മടങ്ങിയ ഹാന്ഡ്സ്കോംപ്- ഖവാജ സഖ്യം ഒരു കൂട്ടുകെട്ട് പടുത്തുയര്ത്താനുള്ള ശ്രമത്തിലായിരുന്നു. ഇതിനിടെയാണ് ഷമി ബ്രേക്ക് ത്രൂ നല്കിയത്.
അഹമ്മദാബാദ്: ഇന്ത്യന് പേസര് മുഹമ്മദ് ഷമി ഒരിക്കല് കൂടി തന്റെ ക്ലാസ് തെളിയിച്ചു. അഹമ്മദാബാദ് ടെസ്റ്റില് ഇതുവരെ രണ്ട് വിക്കറ്റാണ് ഷമി വീഴ്ത്തിയത്. ആദ്യ സെഷനില് മര്നസ് ലബുഷെയ്നിനെ (3) ബൗള്ഡാക്കിയ ഷമി ചായക്ക് ശേഷം പീറ്റര് ഹാന്ഡ്സ്കോംപിന്റെ (17) വിക്കറ്റ് തെറിപ്പിച്ചു. മനോഹരമായി ഔട്ട് സ്വിങ്ങറിലായിരുന്നു ഷമിയുടെ വിക്കറ്റ്. തികച്ചും കളിക്കാന് കഴിയാത്ത ഒരു പന്ത്. ദിശ പോലും മനസിലാക്കാന് കഴിയാതെ ഹാന്ഡ്സ്കോംപ് കീഴടങ്ങുകയായിരുന്നു.
ഓഫ്സ്റ്റംപ് മീറ്ററുകള്ക്കപ്പുറത്തേക്ക് പറന്നുപോയി. സ്മിത്ത് മടങ്ങിയ ഹാന്ഡ്സ്കോംപ്- ഖവാജ സഖ്യം ഒരു കൂട്ടുകെട്ട് പടുത്തുയര്ത്താനുള്ള ശ്രമത്തിലായിരുന്നു. ഇതിനിടെയാണ് ഷമി ബ്രേക്ക് ത്രൂ നല്കിയത്. ഹാന്ഡ്സ്കോംപിന്റെ വിക്കറ്റ് തെറിപ്പിച്ച ഷമിയുടെ പന്ത് കാണാം...
അഹമ്മദാബാദില് ഭേദപ്പെട്ട നിലയിലാണ് ഓസീസ്. ലഞ്ചിന് മുമ്പ് ട്രാവിസ് ഹെഡിന്റെയും (32) മാര്നസ് ലാബുഷെയ്നിന്റെയും (3) വിക്കറ്റുകള് വീഴ്ത്തി കരുത്തുകാട്ടിയ ഇന്ത്യക്കെതിരെ ലഞ്ചിനുശേഷം ഉസ്മാന് ഖവാജയും സ്റ്റീവ് സ്മിത്തും ചേര്ന്ന് ചെറുത്തുനില്ക്കുന്നതാണ് കണ്ടത്. സ്പിന്നര്മാരെ കരുതലോടെ നേരിട്ട ഇരുവരും സ്കോറിംഗ് പതുക്കെയാണെങ്കിലും വിക്കറ്റ് നഷ്ടപ്പെടുത്താതെ പിടിച്ചു നിന്നു. നാലാം വിക്കറ്റ് കൂട്ടുകെട്ടില് ഇരുവരും ചേര്ന്ന് 79 റണ്സ് കൂട്ടിച്ചേര്ത്തു. എന്നാല് സ്മിത്തിനെ പുറത്താക്കി ജഡേജ ഇന്ത്യക്ക് ബ്രേക്ക് ത്രൂ നല്കി. പിന്നാലെ ഹാന്ഡ്സ്കോംപിന്റെ വിക്കറ്റ്. ഒടുവില് വിവരം ലഭിക്കുമ്പോള് നാലിന് 198 എന്ന നിലയിലാണ് ഓസീസ്. ഖവാജ (86), കമാറൂണ് ഗ്രീന് (11) എന്നിവരാണ് ക്രീസില്.
ടീം ഇന്ത്യ: രോഹിത് ശര്മ, ശുഭ്മാന് ഗില്, ചേതേശ്വര് പൂജാര, വിരാട് കോലി, ശ്രേയസ് അയ്യര്, ശ്രീകര് ഭരത്, രവീന്ദ്ര ജഡേജ, അക്സര് പട്ടേല്, ആര് അശ്വിന്, ഉമേഷ് യാദവ്, മുഹമ്മദ് ഷമി.
ഓസ്ട്രേലിയ: ട്രാവിസ് ഹെഡ്, ഉസ്മാന് ഖവാജ, മര്നസ് ലബുഷെയ്ന്, സ്റ്റീവന് സ്മിത്ത്, പീറ്റര് ഹാന്ഡ്കോംപ്, കാമറോണ് ഗ്രീന്, അലക്സ് ക്യാരി, മിച്ചല് സ്റ്റാര്ക്ക്, മാത്യൂ കുനെമാന്, ടോഡ് മര്ഫി, നതാന് ലിയോണ്.
സ്റ്റീവന് സ്മിത്തിന് എന്തുപറ്റി? ഇത്രയും നിലവാരമില്ലാത്ത പ്രകടനം അദ്ദേഹത്തിന്റെ കരിയറിലാദ്യം
