മഴ എത്തിയപ്പോഴുള്ള ഒരു വീഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്. പിച്ച് മൂടാന് ഒരുങ്ങുന്ന ഗ്രൗണ്ട് സ്റ്റാഫുകളെ പാകിസ്ഥാന് താരം ഫഖര് സമാന് സഹായിക്കുന്നതാണ് വീഡിയോയില്.
കൊളംബൊ: കനത്ത മഴയ്ക്കിടെയാണ് ഏഷ്യ കപ്പ് പുരോഗമിക്കുന്നത്. ഗ്രൂപ്പ് ഘട്ടത്തില് ഇന്ത്യ - പാകിസ്ഥാന് മത്സരം മഴയെ തുടര്ന്ന് പൂര്ത്തിയാക്കാന് സാധിച്ചിരുന്നില്ല. ഇന്ത്യ - നേപ്പാള് മത്സരത്തിനിടയിലും മഴയെത്തിരുന്നു. പിന്നാലെ ഓവര് ചുരുക്കിയ ശേഷമാണ് മത്സരം പൂര്ത്തിയാക്കിത്. ഇപ്പോള് ഇന്ത്യ - പാകിസ്ഥാന് സൂപ്പര് ഫോര് മത്സരത്തിനിടയിലും മഴയെത്തി. ടോസ് നഷ്ടപ്പെട്ട് ബാറ്റിംഗിനെത്തിയ ഇന്ത്യ 24.1 ഓവറില് രണ്ടിന് 147 എന്ന നിലയില് നില്ക്കുമ്പോഴാണ് മഴയെത്തിയത്. രോഹിത് ശര്മ (56), ശുഭ്മാന് ഗില് (58) എന്നിവരുടെ വിക്കറ്റുകളാണ് ഇന്ത്യക്ക് നഷ്ടമായത്. വിരാട് കോലി (8), കെ എല് രാഹുല് (17) എന്നിവരാണ് ക്രീസില്.
മഴ എത്തിയപ്പോഴുള്ള ഒരു വീഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്. പിച്ച് മൂടാന് ഒരുങ്ങുന്ന ഗ്രൗണ്ട് സ്റ്റാഫുകളെ പാകിസ്ഥാന് താരം ഫഖര് സമാന് സഹായിക്കുന്നതാണ് വീഡിയോയില്. പാകിസ്ഥാന് ഓപ്പണര് ഗ്രൗണ്ടില് ടാര്പോളിന് വിരിക്കാന് ഗ്രൗണ്ട് സ്റ്റാഫുകളെ സഹായിക്കുകയായിരുന്നു. വീഡിയോ കാണാം...
ഓപ്പണര്മാര് ഗംഭീര തുടക്കമാണ് ഇന്ത്യക്ക് നല്കിയത്. ഓപ്പണിംഗ് വിക്കറ്റില് ഇരുവരും 121 റണ്സ് കൂട്ടിചേര്ത്തു. ഗില്ലായിരുന്നു കൂടുതല് അപകടകാരി. രോഹിത്താവട്ടെ നസീം ഷാക്കെതിരെ താളം കണ്ടെത്താന് ബുദ്ധിമുട്ടുകയും ചെയ്തു. എങ്കിലും ഷഹീനെതിരെ സിക്സടിച്ചാണ് രോഹിത് തുടങ്ങിയത്. മറുവശത്ത് ഗില് ഉത്തരവാദിത്തം ഏറ്റെടുത്തു. നസീമിനെതിരെ വിയര്ത്തെങ്കിലും വൈകാതെ രോഹിത്തും സ്വതസിദ്ധമായ ശൈലിയിലേക്ക് മാറി. രോഹിത്താണ് ആദ്യം മടങ്ങുന്നത്.
ഷദാബിനെ ലോങ് ഓഫിലൂടെ കളിക്കനുള്ള ശ്രമത്തില് ഫഹീം അഷ്റഫിന് ക്യാച്ച് നല്കി. 49 പന്തുകള് നേരിട്ട താരം നാല് സിക്സും ആറ് ഫോറും നേടിയിരുന്നു. പതിനേഴാം ഓവറിലാണ് രോഹിത് മടങ്ങുന്ന്. അടുത്ത ഓവറില് ഗില്ലും വിക്കറ്റ് നല്കി. ഷഹീന്റെ സ്ലോബോള് മനസിലാക്കാന് ഗില്ലിന് സാധിച്ചില്ല. ഷോര്ട്ട് കവറില് അഗ സല്മാന് ക്യാച്ച്. 52 പന്തുകള് നേരിട്ട താരം 10 ബൗണ്ടറികള് നേടി.
ഇന്ത്യ പ്ലേയിംഗ് ഇലവന്: രോഹിത് ശര്മ്മ, ശുഭ്മാന് ഗില്, വിരാട് കോഹ്ലി, കെഎല് രാഹുല്, ഇഷാന് കിഷന്, ഹാര്ദിക് പാണ്ഡ്യ, രവീന്ദ്ര ജഡേജ, ഷാര്ദുല് താക്കൂര്, കുല്ദീപ് യാദവ്, ജസ്പ്രീത് ബുമ്ര, മുഹമ്മദ് സിറാജ്.
പാക്കിസ്ഥാന് പ്ലേയിംഗ് ഇലവന്: ഫഖര് സമാന്, ഇമാം ഉള് ഹഖ്, ബാബര് അസം, മുഹമ്മദ് റിസ്വാന് ആഗ സല്മാന്, ഇഫ്തിഖര് അഹമ്മദ്, ഷദാബ് ഖാന്, ഫഹീം അഷ്റഫ്, ഷഹീന് അഫ്രീദി, നസീം ഷാ, ഹാരിസ് റൗഫ്.
