ലൈംഗിക പീഡനം; ആസാറാം ബാപ്പുവിന്റെ മകന് കുറ്റക്കാരനെന്ന് കോടതി
കേസില് 35 പ്രതികളും 53 സാക്ഷികളുമാണുള്ളത്. പെണ്കുട്ടികളുടെ പരാതിയില് പൊലീസ് കേസെടുത്തതോടെ ഒളിവില് പോയ നാരായണ് സായ് പിന്നീട് കീഴടങ്ങുകയായിരുന്നു.
സൂറത്ത്: ലൈംഗിക പീഡനക്കേസില് സ്വയം പ്രഖ്യാപിത ആള്ദൈവം ആസാറാം ബാപ്പുവിന്റെ മകന് നാരായണ് സായ് കുറ്റക്കാരനെന്ന് കോടതി. ആസാറാം ബാപ്പുവിന്റെ ആശ്രമത്തില് വച്ച് സഹോദരങ്ങളായ രണ്ട് പെണ്കുട്ടികളെ പീഡിപ്പിച്ച കേസില് സൂറത്ത് കോടതിയുടേതാണ് വിധി. ഏപ്രില് 30-നാണ് ശിക്ഷ വിധിക്കുക.
2013-ലാണ് കേസിനാസ്പദമായ സംഭവം. ഹരിയാനയിലെ കുരുക്ഷേത്രക്ക് സമീപം പിപ്ലിയില് ആസാറാം ബാപ്പുവിന്റെ ആശ്രമത്തില് വച്ച് ലൈംഗികമായി പീഡിപ്പിച്ചെന്നാരോപിച്ച് സഹോദരങ്ങളായ രണ്ട് പെണ്കുട്ടികളാണ് 40-കാരനായ നാരായണ് സായ്ക്കെതിരെ പരാതി നല്കിയത്. 2002-2005 കാലയളവില് ആശ്രമത്തില് താമസിക്കുമ്പോള് പീഡിപ്പിക്കപ്പെട്ടതായി സഹോദരിമാരില് ഒരാള് പരാതിയില് പറഞ്ഞു. 1997നു 2006നും ഇടയ്ക്ക് അഹമ്മദാബാദിന് പുറത്തുള്ള ആശ്രമത്തില് വച്ച് ആസാറാം ബാപ്പു പീഡിപ്പിച്ചെന്ന് പെണ്കുട്ടികളില് മുതിര്ന്നയാള് മൊഴി നല്കി.
കേസില് 35 പ്രതികളും 53 സാക്ഷികളുമാണുള്ളത്. പെണ്കുട്ടികളുടെ പരാതിയില് പൊലീസ് കേസെടുത്തതോടെ ഒളിവില് പോയ നാരായണ് സായ് പിന്നീട് കീഴടങ്ങുകയായിരുന്നു. കേസില് നാരായണ് സായ്യുടെ നാല് സുഹൃത്തുക്കളും അറസ്റ്റിലായിരുന്നു.
ബലാത്സംഗം, ലൈംഗികാതിക്രമം, അനധികൃതമായി തടഞ്ഞുവെക്കല് തുടങ്ങിയ കുറ്റങ്ങളാണ് നാരായണ് സായ്ക്കെതിരെ ചുമത്തിയിട്ടുള്ളത്.