മാധ്യമപ്രവർത്തകന് അക്രമി സംഘത്തിന്റെ ക്രൂരമർദ്ദനം. ജനയുഗം ലേഖകൻ ജോമോൻ വി. സേവ്യറിനാണ് മർദ്ദനമേറ്റത്.
തൊടുപുഴ: മാധ്യമപ്രവർത്തകന് അക്രമി സംഘത്തിന്റെ ക്രൂരമർദ്ദനം. ജനയുഗം ലേഖകൻ ജോമോൻ വി. സേവ്യറിനാണ് മർദ്ദനമേറ്റത്. തലയ്ക്കും മുഖത്തും പരിക്കേറ്റ ജോമോൻ തൊടുപുഴയിലെ സ്വകാര്യ ആശുപത്രിയിൽ ചികിത്സയിലാണ്.
Add Asianetnews as a Preferred Source
കരിമണ്ണൂരിലെ വീട്ടിലേക്ക് പോകുന്നതിനിടെയാണ് ജോമോന് മർദ്ദനമേറ്റത്. വാഹനം ഓവർടേക്ക് ചെയ്തതുമായി ബന്ധപ്പെട്ട് വഴിയിൽ കാർ, ബൈക്ക് യാത്രികർ തമ്മിൽ സംഘർഷം നടക്കുന്നുണ്ടായിരുന്നു. ഇതറിയാതെ ഈ വഴി വന്ന ജോമോനെ അക്രമി സംഘം മർദ്ദിക്കുകയായിരുന്നു.
അക്രമി സംഘത്തിലെ രണ്ട് പേർക്കെതിരെ പൊലീസ് കേസെടുത്തു. സംഘത്തിലെ മുഴുവൻ പേരെയും ഉടൻ പിടികൂടണമെന്ന് പത്രപ്രവർത്തക യൂണിയൻ ഇടുക്കി ജില്ലാ ഘടകം ആവശ്യപ്പെട്ടു.
