കൊച്ചിയില് വാടകവീട്ടില് നിന്നും കള്ളനോട്ട് പിടികൂടി, ഒരാള് അറസ്റ്റില്
2000 രൂപയുടെ 86 കള്ളനോട്ടുകളാണ് ഇരുമ്പനം സ്വദേശിയുടെ വീട്ടില് നിന്നും കണ്ടെത്തിയത്.
കൊച്ചി: എറണാകുളം ഉദയം പേരൂർ നടക്കാവിൽ കള്ളനോട്ട് പിടികൂടി. വാടക വീട് കേന്ദ്രീകരിച്ച് കള്ളനോട്ട് ഇടപാട് നടക്കുന്നുണ്ടെന്ന വിവരത്തെ തുടര്ന്ന് നടത്തിയ പരിശോധനയിലാണ് കള്ളനോട്ട് കണ്ടെത്തിയത്. സംഭവത്തില് ഇരുമ്പനം സ്വദേശി പ്രിയങ്കൻ കുമാറിനെ പൊലീസ് അറസ്റ്റ് ചെയ്തു. 2000 രൂപയുടെ 86 കള്ളനോട്ടുകളാണ് ഇയാളുടെ വീട്ടില് നിന്നും കണ്ടെത്തിയത്.
പ്രതിയെ പൊലീസ് ചോദ്യം ചെയ്തുവരികയാണ്. തെരഞ്ഞെടുപ്പ് അടുത്ത സമയത്ത് ഇത്രയും കള്ളനോട്ട് പിടികൂടിയത് ഗൌരവത്തോടെയാണ് പൊലീസ് കാണുന്നത്. കള്ളനോട്ട് ഇടപാടില് മറ്റുപ്രതികളുണ്ടോയെന്ന് അന്വേഷിക്കുന്നുണ്ടെന്നും പ്രതിയെ ചോദ്യം ചെയ്തശേഷം അന്വേഷണം വിപൂലീകരിക്കുമെന്നും പൊലീസ് വ്യക്തമാക്കി.