എറണാകുളം വടക്കൻ പറവൂരിൽ വാടക വീടെടുത്ത് ലഹരി വിൽപനയും ഉപയോഗവും നടത്തിയ സംഭവത്തിൽ മൂന്ന് യുവാക്കളെ പൊലീസ് പിടികൂടി.
കൊച്ചി: എറണാകുളം വടക്കൻ പറവൂരിൽ വാടക വീടെടുത്ത് ലഹരി വിൽപനയും ഉപയോഗവും നടത്തിയ സംഭവത്തിൽ മൂന്ന് യുവാക്കളെ പൊലീസ് പിടികൂടി. ഇവരിൽ നിന്നും 20 ഗ്രാമിൽ അധികം കഞ്ചാവും 0.7 മില്ലിഗ്രാം എംഡിഎംഎയും പിടിച്ചെടുത്തതായി പൊലീസ് അറിയിച്ചു. ഷൊർണ്ണൂർ സ്വദേശിയായ സാജൻ, മുനമ്പം സ്വദേശികളായ ആഷ്ലി, ഷിന്റോ എന്നിവരെയാണ് വടക്കേക്കര പോലീസ് കസ്റ്റഡിയിലെടുത്തിരിക്കുന്നത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
ഇന്നലെ രാത്രി രഹസ്യ വിവരത്തെ തുടർന്ന് വടക്കേക്കര പോലിസ് നടത്തിയ പരിശോധനയിലാണ് പിടികൂടിയത്. ഭാര്യ ഭർത്താക്കൻമാരാണെന്ന് തെറ്റിദ്ധരിപ്പിച്ചാണ് ഷൊർണ്ണൂർ സ്വദേശിയായ യുവാവും തൃശ്ശൂർ സ്വദേശിയായ യുവതിയും വീട് വാടകയ്ക്ക് എടുത്തതെന്ന് പോലീസ് അറിയിച്ചു.
