Asianet News MalayalamAsianet News Malayalam

കൊച്ചിയിലെ എ ടി എം കവർച്ച: 'റോബിൻ ഹുഡി'നെത്തേടി പൊലീസ്

സിനിമയിലെ നായകന് സമാനമായ എല്ലാവരും ഉറക്കം പിടിക്കുമ്പോള്‍ അർധരാത്രിയിലോ പുലർച്ചെയോ എത്തിയാണ് കൊച്ചിയിലും കവർച്ച. പ്രതിയെന്ന് കരുതുന്ന യുവാവിന്‍റെ ചില ചിത്രങ്ങൾ കടവന്ത്രയിലെ എ ടി എമ്മിൽ നിന്ന് പൊലീസിന് കിട്ടിയിട്ടുണ്ട്. 

obin hood model atm theft in kochi police start probe
Author
Kochi, First Published Dec 4, 2019, 7:27 AM IST

കൊച്ചി: കൊച്ചിയിലെ എ ടി എം തട്ടിപ്പുകളിലെ റോബിൻ ഹുഡിനെത്തേടി പൊലീസ്. വർഷങ്ങൾക്കുമുന്‍പ് മലയാളത്തിലിറങ്ങിയ റോബിൻ ഹുഡ് സിനിമയിലെ എ ടി എം തട്ടിപ്പിന് സമാനമാണ് കൊച്ചിയിലെ കവർച്ചയെന്നാണ് അന്വേഷണസംഘം സംശയിക്കുന്നത്. പ്രതിയെന്നു കരുതുന്നയാളുടെ ചില ദൃശ്യങ്ങളും പൊലീസിന് കിട്ടിയിട്ടുണ്ട്.

വ്യാജ എ ടി എം കാർഡുണ്ടാക്കി പലരിൽ നിന്നായി ലക്ഷങ്ങൾ കവർച്ച നടത്തുന്ന നായകൻ. പൃഥിരാജ് നായകനായ റോബിൻ ഹുഡ് സിനിമയുടെ കഥാ തന്തു ഇതായിരുന്നു. കഴിഞ്ഞ രണ്ടു മാസത്തിനുളളിൽ കൊച്ചിയിൽ നടന്ന ചില എടി എം കവർച്ചകൾക്ക് ഈ റോബിൻ ഹുഡ് ഛായയുണ്ടെന്നാണ് പൊലീസ് കരുതുന്നത്. 

സിനിമയിലെ നായകന് സമാനമായ എല്ലാവരും ഉറക്കം പിടിക്കുമ്പോള്‍ അർധരാത്രിയിലോ പുലർച്ചെയോ എത്തിയാണ് കൊച്ചിയിലും കവർച്ച. പ്രതിയെന്ന് കരുതുന്ന യുവാവിന്‍റെ ചില ചിത്രങ്ങൾ കടവന്ത്രയിലെ എ ടി എമ്മിൽ നിന്ന് പൊലീസിന് കിട്ടിയിട്ടുണ്ട്. സിനിമയിലേതുപോലെതന്നെ ഹെൽമറ്റ് വെച്ച് ബൈക്കിലാണ് വരവ്. 

മുഖം പുറത്തറിയാതിരിക്കാൻ ഹെൽമറ്റ് വെച്ച് തന്ന് എ ടി എമ്മിനുളളിൽ കയറി പണം പിൻവവലിക്കും. സിനിമയിലേതിനു സമാനമായി വ്യാജ എ ടി എം കാർഡുകൾ ഉണ്ടാക്കിയാണ് പണം പിൻവലിക്കുന്നത്. എ ടി എം കാർഡുപയോഗിച്ച് ഓൺ ലൈൻ സാധനങ്ങൾ വാങ്ങുന്നതിന്‍റെ വിശദാംശങ്ങൾ ഹാക്ക് ചെയ്താണ് എ ടി എം വിവരങ്ങൾ ശേഖരിക്കുന്നതെന്നാണ് സംശയം. 

അതുകൊണ്ടുതന്നെ സിനിമയിലേതിന് സമാനമായി ഈ റോബിൻ ഹുഡും ഒരു സൈബർ വിദഗ്ധനാണെന്നും കരുതുന്നു. അർധ രാത്രിയിലോ പുലർച്ചെയോ കവർച്ച നടത്തുന്നതിനാൽ മൈബൈൽ ഫോണിൽ സന്ദേശം വന്നാലും പണം നഷ്ടപ്പട്ടയാൾ അറിയുന്നത് രാവിലെയാകും. അതിനുമുന്‍പേ തന്നെ പലപ്പോഴായി മുഴുവൻ പണവും പിൻവലിച്ചിരിക്കും. ഒകൊച്ചിയിലെ എ ടി എം തട്ടിപ്പിന് പിന്നിൽ ഒരാളാണോ അതോ ഒരുകൂട്ടം ആളുകളുണ്ടോ എന്നും പൊലീസ് പരിശോധിക്കുന്നുണ്ട്. 

Follow Us:
Download App:
  • android
  • ios