ദേശീയ പതാക ഉപയോഗിച്ച് മേശ തുടച്ചത് ഒരു പഞ്ചായത്ത് ഉദ്യോഗസ്ഥൻ; അന്വേഷിച്ച് കണ്ടെത്തി കേരള പൊലീസ്
ധാരാളം പേർ ഈ വീഡിയോയെക്കുറിച്ചന്വേഷിക്കാൻ മെസ്സഞ്ചറിൽ അയച്ചുതരുകയുമുണ്ടായെന്ന് പൊലീസ് പറഞ്ഞു. സംഭവത്തിൽ ഒരു പഞ്ചായത്ത് ഉദ്യോഗസ്ഥനാണ് അറസ്റ്റിലായിട്ടുള്ളത്.
കുവൈത്ത് സിറ്റി: ദേശീയ പതാകയെ അവഹേളിക്കുന്ന സംഭവം നടന്നത് ഒഡീഷയിലെ സിംലിയിൽ ആണെന്ന് കണ്ടെത്തി കേരള പൊലീസ്. കഴിഞ്ഞ ദിവസങ്ങളിൽ ഒരാൾ ദേശീയ പതാക ഉപയോഗിച്ച് മേശ തുടയ്ക്കുന്നതിന്റെ വീഡിയോ സാമൂഹ്യ മാധ്യമങ്ങളിൽ വൈറലായിരുന്നു. ധാരാളം പേർ ഈ വീഡിയോയെക്കുറിച്ചന്വേഷിക്കാൻ മെസ്സഞ്ചറിൽ അയച്ചുതരുകയുമുണ്ടായെന്ന് പൊലീസ് പറഞ്ഞു. സംഭവത്തിൽ ഒരു പഞ്ചായത്ത് ഉദ്യോഗസ്ഥനാണ് അറസ്റ്റിലായിട്ടുള്ളത്.
കേരള പൊലീസിന്റെ അന്വേഷണത്തിൽ ഈ സംഭവം ഒഡീഷയിലെ പുരി ജില്ലയിലെ സിമിലി പഞ്ചായത്തിൽ നടന്നതാണെന്നു തിരിച്ചറിഞ്ഞു. പഞ്ചായത്ത് എക്‌സിക്യൂട്ടീവ് ഓഫീസർ പ്രശാന്ത് കുമാർ സ്വെയിൻ ആണ് ദേശീയ പതാക ഉപയോഗിച്ച് മൊബൈൽ ഫോണും മേശയും വൃത്തിയാക്കുന്നത്. ഇയാൾക്കെതിരെ പൊലീസ് കേസെടുത്തെന്നും അറസ്റ്റ് ചെയ്തുവെന്നും കേരള പൊലീസ് ഔദ്യോഗിക ഫേസ്ബുക്ക് പേജിലൂടെ അറിയിച്ചു. ദേശീയ പതാക ഉയർത്തുമ്പോൾ വരെ വളരെയധികം ശ്രദ്ധിക്കണം.
- പതാക ഒരിക്കലും തറയിൽ മുട്ടാതെ വേണം കെട്ടാൻ
- കോട്ടൺ, പോളിസ്റ്റർ, കമ്പിളി, സിൽക്ക്, ഖാദി എന്നിവ ഉപയോഗിച്ച് തയ്യാറാക്കുന്ന പതാക ഉപയോഗിക്കാം
- കൈ കൊണ്ടു നൂൽക്കുന്നതോ, നെയ്തതോ, മെഷീനിൽ തീർത്തതോ ആയ ദേശീയ പതാക ഉപയോഗിക്കാം
- പതാകയ്ക്ക് ഏതു വലിപ്പവും ആകാം എന്നാൽ പതാകയുടെ നീളവും വീതിയും തമ്മിലുള്ള അനുപാതം 3:2 ആയിരിക്കണം.
- കേടുപാടുള്ളതോ വൃത്തിയില്ലാത്തതോ കീറിയതോ ആയ പതാക ഉയർത്തരുത്
- മറ്റേതെങ്കിലും പതാകയ്ക്കൊപ്പമൊ, കീഴിലോ ദേശീയ പതാക ഉയർത്താൻ പാടില്ല ∙
- തലതിരിഞ്ഞ രീതിയിൽ പ്രദർശിപ്പിക്കരുത്. അലങ്കാര രൂപത്തിൽ ഉപയോഗിക്കരുത്.
- പതാകയിൽ എഴുത്തുകളും ഉണ്ടാകരുത്.
- കൊടി മരത്തിൽ പതാക ഉയർത്തുകയാണെങ്കിൽ മാത്രമേ പതാക രാത്രിയിൽ താഴ്ത്തി കെട്ടേണ്ടതുള്ളു അത് കൊണ്ട് തന്നെ വീടുകളിൽ കെട്ടുന്ന പതാക ദിവസവും രാത്രി അഴിച്ചു വയ്ക്കേണ്ടതില്ല
- പതാകയെ അപമാനിക്കുന്ന തരത്തിലുള്ള യാതൊരു പ്രവൃത്തികളിലും ഏർപ്പെടരുത്
- പ്ലാസ്റ്റിക് അടക്കമുള്ളവകൊണ്ട് നിർമിച്ച പതാകകൾ കത്തിക്കാൻ പാടില്ല
- ഉപയോഗിച്ച ദേശീയ പതാകകൾ അലക്ഷ്യമായി വലിച്ചെറിയാനോ അനാദരവ് കാണിക്കാനോ പാടില്ല
ഇങ്ങനെ വീഡിയോ ചെയ്താല്‍ 10 ലക്ഷം പിഴ കിട്ടും; വ്ളോഗര്‍മാര്‍ക്ക് പണിയുമായി കേന്ദ്രം
