പരാതി നല്കാനെത്തിയ വീട്ടമ്മയെ പീഡിപ്പിച്ച സംഭവം; പൊലീസുകാരൻ അറസ്റ്റിൽ
മാര്ച്ച് ഒന്നിനാണ് സ്ത്രീധന തര്ക്കവുമായി ബന്ധപ്പെട്ട പരാതി നല്കാന് വീട്ടമ്മ പോലീസ് സ്റ്റേഷനിലെത്തിയത്.
ആൽവാർ: പരാതി നല്കാനെത്തിയ വീട്ടമ്മയെ പീഡിപ്പിച്ച സംഭവത്തില് പോലീസ് ഉദ്യോഗസ്ഥൻ അറസ്റ്റില്. രാജസ്ഥാനിലെ ആല്വാര് ജില്ലയിലെ ഖേര്ളിയിലാണ് സംഭവം.
മാര്ച്ച് ഒന്നിനാണ് സ്ത്രീധന തര്ക്കവുമായി ബന്ധപ്പെട്ട പരാതി നല്കാന് വീട്ടമ്മ പോലീസ് സ്റ്റേഷനിലെത്തിയത്. തുടര്ന്ന് മൂന്ന് ദിവസത്തോളം പോലീസ് സ്റ്റേഷന് സമീപമുള്ള മുറിയില് വച്ച് സബ് ഇന്സ്പെക്ടര് പീഡിപ്പിച്ചുവെന്നാണ് വീട്ടമ്മ പരാതിയില് പറയുന്നത്.
സംഭവം പുറത്തായതോടെ ഇദ്ദേഹത്തെ അറസ്റ്റ് ചെയ്തു. കൂടുതല് അന്വേഷണം നടക്കുകയാണെന്ന് ഉന്നത പോലീസ് ഉദ്യോഗസ്ഥന് പറഞ്ഞു