സീരിയൽ താരം ആർദ്ര ദാസിന്‍റെ വീട് ആക്രമിച്ചു; വീട്ടുപകരണങ്ങള്‍ തല്ലിതകര്‍ത്തു
കഴിഞ്ഞ ശനിയാഴ്ച വൈകീട്ടാണ് ഒരു സംഘം ആളുകൾ ആർദ്രയുടെ പട്ടിപ്പറമ്പിലെ വീട് ആക്രമിച്ചത്. വീട്ടിന് മുന്നിലെ ചെടിച്ചട്ടികൾ തകർത്ത അക്രമികൾ ഇലക്ട്രോണിക് ഉപകരണങ്ങളും തല്ലിത്തകർത്തു.
തിരുവില്വാമല: സീരിയൽ താരം ആർദ്ര ദാസിന്‍റെ തിരുവില്വാമലയിലെ വീട് സാമൂഹ്യ വിരുദ്ധർ അക്രമിച്ചതായി പരാതി. ഒരു സംഘം ആളുകൾ വീട്ടിലെത്തി ആർദ്രയുടെ അമ്മ ശിവകുമാരിയെ മർദിച്ചതായും ചെടിച്ചട്ടികളും വീട്ടുപകരണങ്ങളും തല്ലിത്തകർത്തെന്നുമാണ് പരാതി. സംബവത്തിൽ പഴയന്നൂർ പൊലീസ് അന്വേഷമം തുടങ്ങി. അയൽവാസിയെ അക്രമിച്ചതിന് ശിവകുമാരിക്കെതിരെയും കേസുള്ളതായി പൊലീസ് വ്യക്തമാക്കി
കഴിഞ്ഞ ശനിയാഴ്ച വൈകീട്ടാണ് ഒരു സംഘം ആളുകൾ ആർദ്രയുടെ പട്ടിപ്പറമ്പിലെ വീട് ആക്രമിച്ചത്. വീട്ടിന് മുന്നിലെ ചെടിച്ചട്ടികൾ തകർത്ത അക്രമികൾ ഇലക്ട്രോണിക് ഉപകരണങ്ങളും തല്ലിത്തകർത്തു.അമ്മ ശിവകുമാരിയെ മർദിച്ചതായും അസഭ്യം പറഞ്ഞതായും പരാതിയിൽ പറയുന്നു. പ്രദേശത്ത് മദ്യപിച്ച് പ്രശ്നമുണ്ടാക്കുന്നവർക്കെതിരെ പരാതി അറിയിച്ചതിന്റെ വിരോധം മൂലമാണ് തന്റെ വീട് ആക്രമിച്ചതെന്ന് ആർദ്ര ഏഷ്യാനെറ്റ് ന്യൂസിനോട് പറഞ്ഞു
സംഭവം നടക്കുന്പോൾ ആർദ്രയും അച്ഛൻ അനന്ത ലക്ഷ്മണനും തിരുവനന്തപുരത്തായിരുന്നു. പാലക്കാട് നിന്നും ബന്ധുക്കളെത്തിയാണ് ശിവകുമാരിയെ ഒറ്റപ്പാലത്തെ ആശുപത്രിയിൽ പ്രവേശിപ്പിച്ചത്. ആർദ്രയുടെ കുടുംബവും അയൽവാസിയും തമ്മിൽ അതിർത്തി തർക്കം നിലനിൽക്കുന്നതായി പൊലീസ് വ്യക്തമാക്കി.
അയൽവാസിയെ കല്ല് കൊണ്ട് അക്രമിച്ചതിന് സീരിയൽ നടിയുടെ അമ്മയ്ക്കെതിരെ കേസ് നിലവിലുണ്ട്. ആർദ്രയുടെ വീട്ടിൽ അതിക്രമിച്ച് കയറിയതിന് പ്രദേശത്തെ കമ്ടാലറിയാവുന്ന 10 പേ‍ർക്കെതിരെ കേസെടുത്തിട്ടുണ്ടെന്നും രണ്ട് കേസുകളിലും അന്വേഷണം പുരോഗമിക്കുകയാണെന്നും പഴയന്നൂർ പൊലീസ് വ്യക്തമാക്കി.
