കോഴിക്കോട് ആറ് വയസുകാരിയെ പീഡിപ്പിച്ചു;
ഇന്നലെ രാത്രിയാണ് പെൺകുട്ടി പീഡനത്തിന് ഇരയായത്. രക്ഷിതാക്കൾ പുറത്ത് പോയപ്പോളാണ് സംഭവം.
കോഴിക്കോട്: കോഴിക്കോട് ഉണ്ണികുളം വള്ളിയോത്ത് ആറ് വയസുകാരി പീഡനത്തിനിരയായി. നേപ്പാളി സ്വദേശിയായ പെൺകുട്ടിയാണ് പീഡനത്തിന് ഇരയായത്. ഇന്നലെ രാത്രി പെൺകുട്ടിയുടെ രക്ഷിതാക്കൾ വീട്ടിൽ ഇല്ലാത്ത സമയത്താണ് പീഡനം നടന്നത്.
രണ്ടും മൂന്നും വയസ്സുള്ള സഹോദരങ്ങളാണ് ഈ സമയം കുട്ടിക്കൊപ്പം വീട്ടിൽ ഉണ്ടായിരുന്നത്. തിരിച്ച് വീട്ടിലെത്തിയ മാതാപിതാക്കൾ രക്തസ്രാവം കണ്ടതിനെ തുടർന്ന് കുട്ടിയെ താമരശ്ശേരിയിലെ സ്വകാര്യ ആശുപത്രിയിൽ എത്തിക്കുകയായിരുന്നു. പിന്നീട് കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. സംഭവത്തിൽ ബാലുശ്ശേരി പൊലീസ് അന്വേഷണം തുടങ്ങി.
Last Updated Nov 5, 2020, 1:40 PM IST
