യുപി സർക്കാർ ആശ്രയ കേന്ദ്രത്തിൽ കൊവിഡ് സ്ഥിരീകരിച്ച പ്രായപൂർത്തിയാകാത്ത രണ്ടുപേർ ഗർഭിണികൾ, ഒരാൾക്ക് എച്ച്ഐവി
ഉത്തർപ്രദേശിലെ കാൺപൂരിലെ സർക്കാർ ആശ്രയ കേന്ദ്രത്തിൽ വച്ച് കൊവിഡ് സ്ഥിരീകരിച്ച പ്രായപൂർത്തിയാകാത്ത രണ്ട് പെൺകുട്ടികൾ ഗർഭിണികളെന്ന് മെഡിക്കൽ പരിശോധനാ റിപ്പോർട്ട്.
ലഖ്‍നൗ: ഉത്തർപ്രദേശിലെ കാൺപൂരിലെ സർക്കാർ ആശ്രയ കേന്ദ്രത്തിൽ വച്ച് കൊവിഡ് സ്ഥിരീകരിച്ച പ്രായപൂർത്തിയാകാത്ത രണ്ട് പെൺകുട്ടികൾ ഗർഭിണികളെന്ന് മെഡിക്കൽ പരിശോധനാ റിപ്പോർട്ട്. ഈ കേന്ദ്രത്തിലെ 57 കുട്ടികൾക്ക് കൊവിഡ് സ്ഥിരീകരിച്ചിരുന്നു.
തുടർന്ന് നടത്തിയ പരിശോധനയിലാണ് ബിഹാറിൽനിന്നും ജാർഖണ്ഡിൽ നിന്നുമുള്ള കുട്ടികൾ എട്ട് മാസം ഗർഭിണികളാണെന്ന് കണ്ടെത്തിയത്. ഇതിൽ ഒരാൾ എച്ച്ഐവി പൊസിറ്റീവുമാണ്. ആശ്രയകേന്ദ്രം അടച്ചുപൂട്ടി സീൽ ചെയ്തു. ഇവിടുത്തെ ജീവനക്കാരെ ചോദ്യം ചെയ്ത് വരികയാണെന്ന് പൊലീസ്.
Last Updated Jun 21, 2020, 11:12 PM IST
