അതിമാരക ലഹരിമരുന്നായ എംഡിഎംഎയുമായി രണ്ടു യുവാക്കൾ തൃശ്ശൂരിൽ പിടിയിൽ
കെ.സി റോഡിൽ വച്ച് സംശയാസ്പദമായ രീതിയിൽ കണ്ട ഇവരെ ചോദ്യം ചെയ്തതിൽ നിന്നുമാണ് എം.ഡി.എം.എ പിടികൂടാനായത്. സിവിൽപോലീസ് ഓഫീസർമാരായ അഭീഷ് ആൻറണി, അനിൽ എന്നിവരും സംഘത്തിൽ ഉണ്ടായിരുന്നു.
തൃശ്ശൂര്: വില്പനയ്ക്കായി കൊണ്ടുവന്ന അതിമാരക ലഹരി മരുന്ന് എം.ഡി.എം.എ യുമായി രണ്ടുപേർ പിടിയിൽ. ബാഗ്ലൂരിൽ നിന്നും വിൽപനക്കായി കൊണ്ടുവന്ന അതിമാരക സിന്തറ്റിക്ക് മയക്കുമരുന്നായ എം.ഡി.എം.എയുമായി തൃശ്ശൂർ പുല്ലഴി ഇല്ലിക്കൽ വീട്ടിൽ വിനോദ് (25), ഒളരി കടവാരം ആദംപുള്ളി വീട്ടിൽ അഭിരാഗ് (23), എന്നിവരാണ് വെസ്റ്റ് പോലീസിന്റെ പിടിയിലായത്. ഒളരിയിൽ പട്രോളിങ്ങ് നടത്തിയിരുന്ന വെസ്റ്റ് പോലീസ് സബ് ഇൻസ്പെക്ടർ ബൈജു. കെ.സി റോഡിൽ വച്ച് സംശയാസ്പദമായ രീതിയിൽ കണ്ട ഇവരെ ചോദ്യം ചെയ്തതിൽ നിന്നുമാണ് എം.ഡി.എം.എ പിടികൂടാനായത്. സിവിൽപോലീസ് ഓഫീസർമാരായ അഭീഷ് ആൻറണി, അനിൽ എന്നിവരും സംഘത്തിൽ ഉണ്ടായിരുന്നു.