സുഹൃത്തിന്റെ പീഡനത്തില് നിന്ന് രക്ഷിച്ച അതേസംഘം യുവതിയെ കൂട്ടബലാത്സംഗം ചെയ്യുകയായിരുന്നു...
ജോലി വാഗ്ദാനം ചെയ്ത് വിളിച്ചുവരുത്തിയ 21 കാരിയെ അഞ്ച് അഞ്ചംഗസംഘം കൂട്ടബലാത്സംഗം ചെയ്തു. ജോലി നല്കാമെന്ന് വാഗ്ദാനം ചെയ്ത് നോയിഡ പാര്ക്കില് വരാന് ആവശ്യപ്പെടുകയും അവിടെയെത്തിയ പെണ്കുട്ടിയെ ഒരു സംഘംപീഡിപ്പിക്കുകയുമായിരുന്നു.
സെക്ടോബര് 63 ല് ബുധനാഴ്ച രാത്രിയാണ് യുവതിക്ക് നേരെ ആക്രമണമുണ്ടായത്. സംഭവത്തില് നാല് പേരെ പൊലീസ് അറസ്റ്റ് ചെയ്തതായി സീനിയര് പൊലീസ് സൂപ്രണ്ട് വൈഭവ് കൃഷ്ണ പറഞ്ഞു. രണ്ട് പേര്ക്കായി അന്വേഷണം തുടരുകയാണ്.
നിരക്ഷരയായ യുവതി ജോലി തേടുകയായിരുന്നു. തന്റെ സഹോദരന് പരിചയമുള്ള ഒരു സുഹൃത്തിനെ കാണാനും ജോലി ആവശ്യപ്പെടാനുമായാണ് യുവതി പാര്ക്കില് എത്തിയത്. ജോലി ശരിയാക്കാമെന്ന് ഇയാള് ഉറപ്പുനല്കുകയും പാര്ക്കില് വരാന് ആവശ്യപ്പെടുകയുമായിരുന്നു. ഇവിടെ വച്ച് ഇയാള് യുവതിയെ പീഡിപ്പിക്കാന് ശ്രമിച്ചു.
പാര്ക്കിലുണ്ടായിരുന്ന ഒരു സംഘം ആളുകള് ഇത് കാണുകയും യുവതിയുടെ സുഹൃത്തിനെ പിടികൂടുകയും ചെയ്തു. എന്നാല് ഈ സംഘം പിന്നീട് യുവതിയെ കൂട്ടബലാത്സംഗം ചെയ്യുകയായിരുന്നുവെന്നും പൊലീസ് വ്യക്തമാക്കി.
യുവതി പൊലീസ് സ്റ്റേഷനില് നേരിട്ടെത്തുകയും പരാതി നല്കുകയുമായിരുന്നു. പരാതിയില് അന്വേഷണം നടക്കുകയാണെന്നും മുഴുവന് പ്രതികളെയും പിടികൂടുമെന്നും പൊലീസ് പറഞ്ഞു. യുവതിയെ വൈദ്യപരിശോധനയ്ക്ക് വിദേയയാക്കുകയും കൗണ്സിലിംഗ് നടത്തുകയും ചെയ്തതായി പൊലീസ് അറിയിച്ചു.
