Asianet News Malayalam

ബിഗ് ബോസില്‍ ഡിംപല്‍ ഇല്ലാത്ത ആദ്യദിനം; വിങ്ങലടക്കി മണിക്കുട്ടന്‍

തങ്ങളുടെ പ്രിയ സുഹൃത്തിനെ തേടിയെത്തിയ വിയോഗവാര്‍ത്ത മത്സരാര്‍ഥികളൊക്കെയും സങ്കടത്തോടെയാണ് ഉള്‍ക്കൊണ്ടത്

manikuttan breaks down in bigg boss 3 after the exit of dimpal bhal
Author
Thiruvananthapuram, First Published Apr 30, 2021, 10:21 PM IST
  • Facebook
  • Twitter
  • Whatsapp

ബിഗ് ബോസ് മലയാളം സീസണില്‍ ഡിംപല്‍ ഭാല്‍ ഇല്ലാത്ത ആദ്യദിനം. 75 ദിവസം ഈ സീസണിന്‍റെ മുഖങ്ങളിലൊന്നായിരുന്ന ഡിംപല്‍ ഇന്നലെയാണ് ഹൗസില്‍ നിന്നു പുറത്തുപോയത്. അച്ഛന്‍റെ മരണമായിരുന്നു കാരണം. കണ്‍ഫെഷന്‍ റൂമിലേക്ക് വിളിപ്പിച്ച് വീട്ടുകാരെക്കൊണ്ടു തന്നെയാണ് ബിഗ് ബോസ് ഫോണിലൂടെ വിവരം അറിയിക്കാനുള്ള സൗകര്യം ഒരുക്കിയത്. ശേഷം ഹൗസിലെ സുഹൃത്തുക്കളെ കാണാതെതന്നെ കണ്‍ഫെഷന്‍ റൂമില്‍ നിന്ന് നേരിട്ട് ഡിംപല്‍ പുറത്തേക്കു പോവുകയായിരുന്നു.

തങ്ങളുടെ പ്രിയ സുഹൃത്തിനെ തേടിയെത്തിയ വിയോഗവാര്‍ത്ത മത്സരാര്‍ഥികളൊക്കെയും സങ്കടത്തോടെയാണ് ഉള്‍ക്കൊണ്ടത്. ഡിംപല്‍ പോയതിനു പിന്നാലെ ഈ വാരത്തിലെ മത്സരാര്‍ഥികളുടെ ജയില്‍വാസവും ബിഗ് ബോസ് അവസാനിപ്പിച്ചിരുന്നു. ഡിംപല്‍ ഇല്ലാത്ത ആദ്യദിനം ഏറ്റവും വിഷമിപ്പിച്ചത് അടുത്ത സുഹൃത്തായ മണിക്കുട്ടനെ ആയിരുന്നു. രാവിലെ എട്ടിന് ഹൗസില്‍ വേക്കപ്പ് സോംഗ് വെക്കുന്ന സമയത്തേ വീടിനു പുറത്ത് വിഷാദഭാവത്തില്‍ ഇരിക്കുന്ന മണിക്കുട്ടനെയാണ് കണ്ടത്. തനിക്ക് തടഞ്ഞുനിര്‍ത്താനാവാത്ത വിഷാദത്തില്‍ മണി കണ്ണീരൊപ്പുന്നതും കണ്ടു. ഇതുകണ്ട് അടുത്തേക്കു വന്ന റിതുവാണ് മണിയെ സമാധാനിപ്പിച്ചത്.

 

ഈ സീസണിലെ ഏറ്റവും ശ്രദ്ധേയ മത്സരാര്‍ഥികളില്‍ ഒരാളായിരുന്നു ഡിംപല്‍. ഫൈനല്‍ ഫൈവില്‍ എത്തുമെന്ന് മറ്റു മത്സരാര്‍ഥികളും പ്രേക്ഷകരും കരുതിയിരുന്ന ആളാണ് അച്ഛന്‍റെ അപ്രതീക്ഷിത വിയോഗത്തെ തുടര്‍ന്ന് ബിഗ് ബോസ് വേദി വിട്ടത്. 

Follow Us:
Download App:
  • android
  • ios