എ ആര് മുരുഗദോസിന്റെ സംവിധാനത്തിലുള്ള ചിത്രത്തില് നായകനാകാൻ ശിവകാര്ത്തികേയൻ.
തമിഴകത്ത് മിനിമം ഗ്യാരണ്ടിയുള്ള ഒരു താരമാണ് ശിവകാര്ത്തികേയൻ. കോമഡി മാത്രമല്ല വ്യത്യസ്തങ്ങളായ ഏത് കഥാപാത്രങ്ങളും ചേരും എന്ന് തെളിയിച്ച് മുന്നേറുകയാണ് ശിവകാര്ത്തികേയൻ. അതുകൊണ്ടുതന്നെ ശിവകാര്ത്തികേയൻ നായകനാകുന്ന ഓരോ ചിത്രങ്ങളുടെയും പ്രഖ്യാപനം ആരാധകര്ക്ക് ആവേശമാണ്. എ ആര് മുരുഗോദസിന്റെ സംവിധാനത്തിലുള്ള ചിത്രത്തിലായിരിക്കും ശിവകാര്ത്തികേയൻ ഇനി നായകനാകുക എന്നാണ് പുതിയ റിപ്പോര്ട്ട്.
മൃണാള് താക്കൂറാണ് ചിത്രത്തിലെ നായിക. അനിരുദ്ധ് രവിചന്ദര് സംഗീത സംവിധാനം. ഒക്ടോബറിലായിരിക്കും ശിവകാര്ത്തികേയൻ ചിത്രത്തിന്റെ ചിത്രീകരണം. എന്തായിരിക്കും പ്രമേയമെന്ന് ഇതുവരെ വെളിപ്പെടുത്തിയിട്ടില്ല.
ശിവകാര്ത്തികേയൻ നായകനായി ഒടുവില് പ്രദര്ശനത്തിന് എത്തിയ ചിത്രം 'മാവീരനാ'ണ്. വളരെ പെട്ടെന്നു തന്നെ 50 കോടി ക്ലബില് ഇടം നേടിയിരുന്നു ശിവകാര്ത്തികേയൻ നായകനായ 'മാവീരൻ'. മഡോണി അശ്വിനാണ് ചിത്രത്തിന്റെ സംവിധാനം. എസ് ഷങ്കറിന്റെ മകള് അദിതിയാണ് ചിത്രത്തില് നായികയായത്.
ശിവകാര്ത്തികേയൻ നായകനായി ഇതിനു മുമ്പ് തിയറ്ററുകളില് എത്തിയത് 'പ്രിൻസ് ആണ്'. അനുദീപ് കെ വി ആണ് ചിത്രം സംവിധാനം ചെയ്തത്. ചിത്രത്തിന് മികച്ച പ്രതികരണം നേടാനായിരുന്നില്ല ക്ലീൻ യു സര്ട്ടിഫിക്കറ്റോടെ ഒരു റൊമാന്റിക് കോമഡി ചിത്രവുമായിട്ടായിരുന്നു 'പ്രിൻസ്' എത്തിയത്. ശ്രീ വെങ്കടേശ്വരൻ സിനിമാസ് എല്എല്പിയാണ് 'പ്രിൻസ്' നിര്മിച്ചത്. വിദേശ യുവതിയുമായി പ്രണയത്തിലാകുന്ന തമിഴ് ടൂറിസ്റ്റ് ഗൈഡായിട്ടാണ് ശിവകാര്ത്തികേയൻ ചിത്രത്തില് അഭിനയിച്ചിരുന്നത്. 'പ്രിൻസ്' എന്ന ചിത്രത്തില് സത്യരാജും ഒരു പ്രധാന കഥാപാത്രമായി എത്തിയപ്പോള് യുക്രൈൻ താരം മറിയ റ്യബോഷ്പ്കയായിരുന്നു ശിവകാര്ത്തികേയന്റെ നായിക.
ശിവകാര്ത്തികേയന്റെ മറ്റൊരു ചിത്രം നിര്മിക്കുന്നത് കമല്ഹാസൻ ആണ്. തമിഴ് ആക്ഷന് ക്രൈം ചിത്രം 'റംഗൂണി'ലൂടെ ശ്രദ്ധ നേടിയ രാജ്കുമാര് പെരിയസാമിയാണ് സംവിധാനം. സോണി പിക്ചേഴ്സ് ഫിലിംസ് ഇന്ത്യയാണ് സഹനിര്മ്മാണം. രാജ്കമല് ഫിലിംസ് ഇന്റര്നാഷണലിന്റെ ബാനറിലുള്ള ചിത്രം കശ്മിരില് ചിത്രീകരണം നടക്കുകയാണ് എന്ന് റിപ്പോര്ട്ടുകള് വന്നിരുന്നു.
'അയലാൻ' എന്ന ചിത്രവും ശിവകാര്ത്തികേയന്റേതായി റിലീസ് ചെയ്യാനുണ്ട്. ആര് രവികുമാറാണ് ചിത്രം സംവിധാനം ചെയ്യുന്നത്. എ ആര് റഹ്മാനാണ് ചിത്രത്തിന്റെ സംഗീത സംവിധായകൻ. സയൻസ് ഫിക്ഷൻ ചിത്രമായിട്ടാണ് 'അയലാൻ' പ്രദര്ശനത്തിന് എത്തുക.
ഇന്ത്യൻ ക്രിക്കറ്റ് താരമായ നടരാജന്റെ ജീവചരിത്ര സിനിമയില് ശിവകാര്ത്തികേയൻ നായകനാകുന്നുവെന്നും അടുത്തിടെ റിപ്പോര്ട്ടുണ്ടായിരുനനു. നടരാജൻ തന്നെയാണ് ഒരു മാധ്യമ സംവാദത്തില് ഇക്കാര്യം പറഞ്ഞത്. ശിവകാര്ത്തികേയൻ തന്നെ നടരാജന്റെ ജീവചരിത്ര സിനിമ സംവിധാനം ചെയ്തേക്കുമെന്നും റിപ്പോര്ട്ടുണ്ട്. ഇന്ത്യൻ ക്രിക്കറ്റ് ടീമില് 2020 ഡിസംബറില് അരങ്ങേറിയ ടി നടരാജൻ തമിഴ്നാട് ക്രിക്കറ്റ് താരമാണ്.
Read More: കന്നിസ്വാമിയായി ശബരിമലയിലെത്തി നടി ഗീത, ഫോട്ടോകള് ശ്രദ്ധയാകര്ഷിക്കുന്നു
