കാത്തിരിപ്പ് നീളില്ല, വിഡാ മുയര്ച്ചിയുടെ ഫൈനല് ഷെഡ്യൂളും അസര്ബെയ്ജാനില്
അജിത്ത് നായകനായെത്താനിരിക്കുന്ന വിഡാ മുയര്ച്ചി സിനിമയുടെ അപ്ഡേറ്റ് പുറത്ത്.
അജിത്ത് നായകനായി ഇനി വരാനിരിക്കുന്ന ചിത്രമാണ് വിഡാ മുയര്ച്ചി. അജിത്ത് നായകനാകുന്ന വിഡാ മായുര്ച്ചിയുടെ സംവിധാനം മഗിഴ് തിരുമേനിയാണ്. ചിത്രം അനിശ്ചിതമായി നീണ്ടുപോയിരുന്നു. എന്നാല് അജിത്തിന്റെ വിഡാ മുയര്ച്ചിയുടെ ഫൈനല് ഷെഡ്യൂളും അസര്ബെയ്ജാനിലാണ് ചിത്രീകരിക്കുകയെന്നതാണ് റിപ്പോര്ട്ട്.
അസര്ബെയ്ജാനിലായിരുന്നു വിഡാ മുയര്ച്ചിയുടെ പ്രധാന ഭാഗങ്ങളൊക്കെ ചിത്രീകരിച്ചത് എന്ന് നേരത്തെ റിപ്പോര്ട്ടുകളുണ്ടായിരുന്നു. ചെന്നൈയിലും ചിത്രീകരിച്ച വിഡാ മുയര്ച്ചി സിനിമ പെട്ടെന്ന് റിലീസിന് ഒരുക്കാനുള്ള തയ്യാറെടുപ്പിലാണ്. അജിത്ത് നായികനായി വേഷമിട്ട് വരാനിരിക്കുന്ന ചിത്രത്തില് തൃഷയാണ് നായികയായി എത്തുകയെന്നാണ് റിപ്പോര്ട്ട്. സംവിധായകൻ മഗിഴ് തിരുമേനിയുടെ പുതിയ ചിത്രമായ വിഡാ മുയര്ച്ചിയിലൂടെ അജിത്ത് തമിഴ് താരങ്ങളില് മുൻനിരയില് എത്തും എന്നാണ് റിപ്പോര്ട്ട്.
അജിത്ത് നായകനായി വേഷമിട്ടതില് തുനിവാണ് ഒടുവില് പ്രദര്ശനത്തിന് എത്തിയത്. മികച്ച വിജയമായി മാറിയിരുന്നു അജിത്ത് ചിത്രം തുനിവ്. സംവിധാനം എച്ച് വിനോദായിരുന്നു. ബാങ്ക് കൊള്ളയടിക്കുന്നതുമായി ബന്ധപ്പെട്ടായിരുന്നു അജിത്ത് ചിത്രത്തിന്റെ പ്രധാന പ്രമേയം.
ഹിറ്റ്മേക്കര് അറ്റ്ലിയുടെ ഒരു തമിഴ് ചിത്രത്തില് അജിത്ത് നായകനാകും എന്ന് റിപ്പോര്ട്ടുണ്ട്. സുധ കൊങ്ങര പ്രസാദ് സംവിധാനത്തിലുള്ള ചിത്രത്തിലും അജിത്ത് നായകനായേക്കുമെന്നും ഒരു റിപ്പോര്ട്ടുണ്ട്. സംവിധായകൻ ശ്രീ ഗണേഷ് അജിത്തുമായി സിനിമ സംബന്ധിച്ച് ചര്ച്ചകളിലാണെന്ന റിപ്പോര്ട്ടുകള് ആരാധകര്ക്കിടയില് പ്രചരിക്കുന്നുണ്ട്. ശ്രീ ഗണേഷ് 'കുരുതി ആട്ട'ത്തിന്റെ സംവിധായകൻ എന്ന നിലയില് ശ്രദ്ധയാകര്ഷിച്ചതാണ്. സംവിധായകനായി ശ്രീ ഗണേഷിന്റെ ആദ്യത്തെ ചിത്രം 'തോട്ടക്കള്' ആണ്. സംവിധായകൻ ശ്രീ ഗണേഷിന്റെ രണ്ടാമത്തെ ചിത്രം അടുത്തിടെ പുറത്തിറങ്ങിയ 'കുരുതി ആട്ടം' ആണ്. അഥര്വ നായകനായി വേഷമിട്ട് എത്തിയ ചിത്രത്തില് നിരവധി അജിത്ത് റെഫറൻസുകളുള്ളതിനാലാണ് അത്തരം ഒരു വാര്ത്ത വ്യാപകമായി പ്രചരിക്കുന്നത്.
Read More: തങ്കലാനില് ഹോളിവുഡ് നടൻ ഡാനിയേലും, ഫസ്റ്റ് ലുക്ക് പുറത്ത്
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക