കേരളപ്പിറവിയാശംസകളുമായി പൃഥ്വിരാജ് പങ്കുവെച്ച ഫോട്ടോ ശ്രദ്ധ നേടുന്നു.
'വിലായത്ത് ബുദ്ധ' എന്ന ചിത്രത്തിലാണ് പൃഥ്വിരാജ് ഇപ്പോള് അഭിനയിച്ചുകൊണ്ടിരിക്കുന്നത്. ജയൻ നമ്പ്യാരാണ് ചിത്രം സംവിധാനം ചെയ്യുന്നത്. ചിത്രത്തിലെ പൃഥ്വിരാജിന്റെ കഥാപാത്രത്തിന്റെ ലുക്ക് അടുത്തിടെ ഓണ്ലൈനില് തരംഗമായിരുന്നു. ഇപ്പോഴിതാ പൃഥ്വിരാജിന്റെ മറ്റൊരു ഫോട്ടോ ആണ് ആരാധകര് ഏറ്റെടുത്തിരിക്കുന്നത്.
കേരളപ്പിറവി ആശംസിച്ചുകൊണ്ടാണ് പൃഥ്വിരാജ് ഫോട്ടോ പങ്കുവെച്ചിരിക്കുന്നത്. സ്റ്റൈലൻ ലുക്കിലാണ് പൃഥ്വിരാജിന്റെ ഫോട്ടോ ആരാധകര് ആഘോഷമാക്കിക്കഴിഞ്ഞു. അരവിന്ദ് കശ്യപ് ആണ് 'വിലായത്ത് ബുദ്ധ'യുടെ ഛായാഗ്രാഹണം നിര്വഹിക്കുന്നത്. ഒരു ത്രില്ലര് ചിത്രമാണ് 'വിലായത്ത് ബുദ്ധ'.
'കാപ്പ' എന്ന ചിത്രമാണ് പൃഥ്വിരാജിന്റേതായി ഇനി റിലീസ് ചെയ്യാനുള്ളത്. ഷാജി കൈലാസാണ് ചിത്രം സംവിധാനം ചെയ്യുന്നത്. 'കടുവ' എന്ന വൻ ഹിറ്റിനുശേഷം ഇരുവരും ഒന്നിക്കുന്ന ചിത്രം എന്നതിനാല് പ്രേക്ഷകര് വൻ പ്രതീക്ഷയോടെ കാത്തിരിക്കുന്ന ചിത്രമാണ് 'കാപ്പ'. അപര്ണ ബാലമുരളി ആണ് ചിത്രത്തിലെ നായിക. ജി ആര് ഇന്ദുഗോപൻ എഴുതിയ 'ശംഖുമുഖി' എന്ന നോവലിനെ ആസ്പദമാക്കിയുള്ള ചിത്രത്തില് ആസിഫ് അലിയും ഒരു പ്രധാന കഥാപാത്രത്തെ അവതരിപ്പിക്കുന്നു. ഇന്ദുഗോപൻ തന്നെയാണ് ചിത്രത്തിന്റെ തിരക്കഥ എഴുതുന്നത്. ജിനു എബ്രഹാം, ഡോള്വിൻ കുര്യാക്കോസ്, ദിലീഷ് നായര് എന്നിവരുടെ പങ്കാളിത്തത്തില് ആരംഭിച്ച തിയറ്റര് ഓഫ് ഡ്രീംസ്, ഫെഫ്കെ റൈറ്റേഴ്സ് യൂണിയന്റെ സഹകരണത്തിലാണ് ചിത്രം നിര്മിക്കുന്നത്.
'കടുവക്കുന്നേല് കുറുവച്ചൻ' എന്ന കഥാപാത്രമായിട്ട് പൃഥ്വിരാജ് അഭിനയിച്ച 'കടുവ' ബോക്സ് ഓഫീസില് 50 കോടിയലിധികം കളക്റ്റ് ചെയ്തിരുന്നു. പൃഥ്വിരാജ് പ്രൊഡക്ഷന്സും ലിസ്റ്റിന് സ്റ്റീഫന്റെ മാജിക് ഫ്രെയിംസും ചേര്ന്നായിരുന്നു നിര്മ്മാണം. 'ആദം ജോണി'ന്റെ സംവിധായകനും 'ലണ്ടൻ ബ്രിഡ്ജ്', 'മാസ്റ്റേഴ്സ്' എന്നീ ചിത്രങ്ങളുടെ തിരക്കഥാകൃത്തുമായ ജിനു എബ്രഹാമാണ് 'കടുവ'യുടെയും രചന നിര്വഹിച്ചിരിക്കുന്നത്. സായ് കുമാര്, സിദ്ദിഖ്, ജനാര്ദ്ദനൻ, വിജയരാഘവൻ, അജു വര്ഗീസ്, ഹരിശ്രീ അശോകൻ, രാഹുല് മാധവ്, കൊച്ചുപ്രേമൻ, സംയുക്ത മേനോൻ, സീമ, പ്രിയങ്ക തുടങ്ങിയവര് മറ്റ് വേഷങ്ങളില് എത്തുന്നു. വിവേക് ഒബ്റോയ് ചിത്രത്തില് വില്ലനായി ഡിഐജിയായിട്ട് അഭിനയിച്ചിരിക്കുന്നു. ജേക്ക്സ് ബിജോയ്യാണ് ചിത്രത്തിന്റെ സംഗീത സംവിധാനം നിര്വഹിച്ചത്.
Read More: 'ആര്ആര്ആറി'നു ശേഷം ജൂനിയര് എൻടിആറിന്റെ വമ്പൻ സിനിമ, ആവേശത്തിലാക്കി അപ്ഡേറ്റ്
