ദേവരയെ മറികടന്നും ഞെട്ടിച്ച് അമരൻ.
തമിഴകത്തിന്റെ ശിവകാര്ത്തികേയൻ നായകനായി വന്ന ചിത്രമാണ് അമരൻ. അമരൻ പുതിയ ഒരു നേട്ടവും സ്വന്തമാക്കിയിരിക്കുന്നു എന്നത് ചര്ച്ചയാകുകയാണ്. ബുക്ക് മൈ ഷോയിലൂടെ വിറ്റ ടിക്കറ്റുകളുടെ എണ്ണത്തിലാണ് ശിവകാര്ത്തികേയന്റെ അമരൻ നേട്ടമുണ്ടാക്കിയത്. ജൂനിയര് എൻടിആര് നായകനായ ദേവരയെയാണ് ടിക്കറ്റുകളുടെ എണ്ണത്തില് ശിവകാര്ത്തികേയന്റെ അമരൻ മറികടന്നത്.
മാത്രവുമല്ല അമരൻ ആഗോളതലത്തില് 321 കോടിയില് അധികവും നേടിയിട്ടുണ്ട്. ആദ്യമായിട്ടാണ് ശിവകാര്ത്തികേയൻ ആഗോളതലത്തില് 300 കോടി ക്ലബിലെത്തുന്നത് എന്ന പ്രത്യേകയും ഉണ്ടെന്നത് ചിത്രത്തിന്റെ വിജയത്തിന് . ഇതിനു മുമ്പ് ആഗോളതലത്തില് 125 കോടി നേടിയ ഡോണ് ആണ് ഉയര്ന്ന കളക്ഷനായി ശിവകാര്ത്തികേയന്റെ പേരിലുണ്ടായിരുന്നത്. ശിവകാര്ത്തികേയൻ തമിഴകത്ത് മുൻനിര വിജയ താരങ്ങളുടെ പട്ടികയിലേക്കെത്തി എന്നതും പ്രധാന പ്രത്യേകതയാണ്.
വിജയ് രാഷ്ട്രീയത്തില് സജീവമാകുന്നതിനെ തുടര്ന്ന് സിനിമയില് നിന്ന് ഇടവേളയെടുക്കുകയാണ്. വിജയ്ക്ക് പകരം ആര് എന്ന ചോദ്യത്തിന് നിലവില് ഉത്തരം ശിവകാര്ത്തികേയൻ എന്നാണ്. ദളപതി വിജയ് നായകനായി എത്തിയ ദ ഗോട്ടില് ശിവകാര്ത്തികേയനും അതിഥി വേഷത്തിലുണ്ടായിരുന്നു. ചിത്രത്തില് വിജയ് ശിവകാര്ത്തികേയന് നിര്ണായക രംഗത്ത് തോക്ക് കൈമാറുന്നുണ്ട്. ഇത് വലിയ ചര്ച്ചയായി മാറിയിരുന്നു. വിജയുടേതായി തുപ്പാക്കിയെന്ന ഒരു സിനിമയുമുണ്ട്. തോക്ക് കൈമാറുന്നത് തന്റെ ഒന്നാംനിര താര പദവി ശിവകാര്ത്തികേയനെ ഏല്പ്പിക്കുന്നതായിട്ട് വ്യഖ്യാനിക്കപ്പെട്ടിരുന്നു.
മേജര് മുകുന്ദ് വരദരാജന്റെ ജീവിതം പറഞ്ഞതായിരുന്നു അമരൻ. മേജര് മുകുന്ദ് വരദരാജനായിട്ടാണ് ശിവകാര്ത്തികേയൻ ചിത്രത്തില് എത്തിയത്. ഇന്ദു റെബേക്ക വര്ഗീസായി ശിവകാര്ത്തികേയൻ ചിത്രത്തില് നായികയായത് സായ് പല്ലവിയും മറ്റ് കഥാപാത്രങ്ങളായി ഭുവൻ അറോറ, രാഹുല് ബോസ്, ലല്ലു, ശ്രീകുമാര്, ശ്യാമപ്രസാദ്, ശ്യാം മോഹൻ, ഗീതു കൈലാസം, വികാസ് ബംഗര്, മിര് സല്മാൻ എന്നിവരുമുണ്ടായിരുന്നു. തമിഴ്നാട്ടിനും പുറത്തും ചിത്രം ശ്രദ്ധയാകര്ഷിക്കുന്നുണ്ട്. രാജ്കുമാര് പെരിയസ്വാമിയാണ് സംവിധാനം നിര്വഹിച്ചത്.
Read More: ആടുതോമയെ വീഴ്ത്തിയോ?, വല്ല്യേട്ടൻ ഓപ്പണിംഗ് കളക്ഷനില് നേട്ടമുണ്ടാക്കിയോ?, ആ തുക പുറത്ത്
