അഹാനയ്ക്കൊപ്പം ഷൈന് ടോം ചാക്കോ; 'അടി' ഒടിടിയില് എത്തി
ദുല്ഖര് സല്മാന് നിര്മ്മിച്ച ചിത്രം
അഹാന കൃഷ്ണ, ഷൈന് ടോം ചാക്കോ എന്നിവരെ പ്രധാന കഥാപാത്രങ്ങളാക്കി പ്രശോഭ് വിജയന് സംവിധാനം ചെയ്ത അടി എന്ന ചിത്രം ഒടിടിയില് സ്ട്രീമിംഗ് ആരംഭിച്ചു. ഈ വര്ഷത്തെ വിഷു റിലീസ് ആയി ഏപ്രില് 14 ന് തിയറ്ററുകളില് എത്തിയ ചിത്രമാണിത്. വേഫെറര് ഫിലിംസിന്റെ ബാനറില് ദുല്ഖര് സല്മാന് ആയിരുന്നു ചിത്രത്തിന്റെ നിര്മ്മാണം. പ്രമുഖ ഒടിടി പ്ലാറ്റ്ഫോം ആയ സീ 5 ലൂടെയാണ് ചിത്രം സ്ട്രീമിംഗ് ആരംഭിച്ചിരിക്കുന്നത്.
വരനെ ആവശ്യമുണ്ട്, മണിയറയിലെ അശോകൻ, കുറുപ്പ് എന്നീ ചിത്രങ്ങൾക്ക് ശേഷം വേഫെറർ ഫിലിംസ് പ്രഖ്യാപിച്ച ചിത്രമാണിത്. അഹാനയ്ക്കും ഷൈനിനുമൊപ്പം ധ്രുവന്, ബിറ്റോ ഡേവിസ്, ശ്രീകാന്ത് ദാസൻ എന്നിവരും ചിത്രത്തില് അഭിനയിച്ചിട്ടുണ്ട്. ലില്ലി, അന്വേഷണം എന്നീ ചിത്രങ്ങൾക്കു ശേഷം പ്രശോഭ് വിജയന്റെ സംവിധാനത്തില് ഒരുങ്ങിയ ചിത്രവുമാണിത്. ഇഷ്കിന്റെ തിരക്കഥാകൃത്ത് രതീഷ് രവിയുടേതാണ് തിരക്കഥ. 96 ന് സംഗീതം ഒരുക്കിയ ഗോവിന്ദ് വസന്ത ചിത്രത്തിന്റെ സംഗീത സംവിധാനവും ഫായിസ് സിദ്ധിഖ് ഛായാഗ്രഹണവും നിർവഹിക്കുന്നു. വസ്ത്രാലങ്കാരം സ്റ്റെഫി സേവ്യര്, കലാസംവിധാനം സുഭാഷ് കരുണ്, മേക്കപ്പ് രഞ്ജിത് ആർ. സുഡാനി ഫ്രം നൈജീരിയ ഫെയിം നൗഫലാണ് എഡിറ്റിംഗ് നടത്തിയിരിക്കുന്നത്. ആലുവയിലും പരിസര പ്രദേശങ്ങളിലുമായിട്ടാണ് സിനിമ ചിത്രീകരണം പൂർത്തിയാക്കിയത്.
മലയാളത്തില് നിന്ന് സൂപ്പര്താര ചിത്രങ്ങളൊന്നും ഇത്തവണത്തെ വിഷു സീസണില് തിയറ്ററുകളില് ഉണ്ടായിരുന്നില്ല. അടി കൂടാതെ സുരാജ് വെഞ്ഞാറമൂട് നായകനാവുന്ന മദനോത്സവം, അന്നു ആന്റണി, ഇന്ദ്രന്സ്, ആന്സണ് പോള് എന്നിവരെ പ്രധാന കഥാപാത്രങ്ങളാക്കി ജോമി കുര്യാക്കോസ് സംവിധാനം ചെയ്ത മേഡ് ഇന് കാരവാന്, കൈലാഷ്, സരയൂ എന്നിവരെ പ്രധാന കഥാപാത്രങ്ങളാക്കി ശ്യാം ശിവരാജന് സംവിധാനം ചെയ്ത ഉപ്പുമാവ്, കാര്ത്തിക് രാമകൃഷ്ണന്, വിനീത് വിശ്വം എന്നിവരെ പ്രധാന കഥാപാത്രങ്ങളാക്കി ഗോകുല് രാമകൃഷ്ണന് സംവിധാനം ചെയ്ത താരം തീര്ത്ത കൂടാരം, പി എം തോമസുകുട്ടി സംവിധാനം ചെയ്ത ഉസ്കൂള് എന്നിവയായിരുന്നു മലയാളത്തിലെ മറ്റ് വിഷു റിലീസുകള്.
ALSO READ : ഒന്നര വര്ഷത്തെ കാത്തിരിപ്പ്; ഒടുവില് ഒടിടിയിലേക്ക് 'ഉടല്', റിലീസ് പ്രഖ്യാപിച്ചു
ഏഷ്യാനെറ്റ് ന്യൂസ് ലൈവ് യുട്യൂബില് കാണാം