അജിത്ത് കുമാര് നായകനായി വരാനിരിക്കുന്ന ചിത്രത്തിന്റെ അപ്ഡേറ്റും പുറത്ത്.
അജിത്ത് കുമാര് നായകനായി വരാനാരിരിക്കുന്ന ചിത്രമാണ് വിഡാമുയര്ച്ചി. ചിത്രം അനിശ്ചിതമായി നീണ്ടുപോയത് ചര്ച്ചയായിരുന്നു. എന്തായാലും വിഡാമുയര്ച്ചി റിലീസിന് ഒരുങ്ങിയിരിക്കുകയാണ്. ചിത്രം ജനുവരി 23ന് പ്രദര്ശനത്തിനെത്തുമെന്നാണ് സിനിമാ അനലിസ്റ്റുകളുടെ റിപ്പോര്ട്ടുകള്.
പൊങ്കല് റിലീസായിരിക്കും ചിത്രം എന്ന് വാര്ത്തകള് ഉണ്ടായിരുന്നു. എന്നാല് അനിവാര്യമായ ചില കാരണങ്ങളാല് ചിത്രത്തിന്റെ റിലീസ് നീട്ടിവയ്ക്കുകയാണെന്നാണ് നിര്മാതാക്കള് വ്യക്തമാക്കിയത്. ഇത് ആരാധകരെ കടുത്ത നിരാശരാക്കിരുന്നു. അജിത്തിന്റെ വിഡാമുയര്ച്ചി പ്രഖ്യാപിച്ചിട്ട് ഒരു വര്ഷത്തിലധികം ആയി. ചിത്രീകരണത്തിനിടെ വിഡാ മുയര്ച്ചിയുടെ ഒരാള് മരിക്കുകയും ചെയ്തു. കലാസംവിധായകൻ മിലനാണ് ഹൃദയാഘാതത്താല് മരിച്ചത്. പരുക്കേറ്റ അജിത്ത് ഇന്ത്യയിലേക്ക് തിരിച്ചു വരികയും ചെയ്തു. ഒടുവില് ആരോഗ്യം ഭേദമായി വീണ്ടും സിനിമയുടെ ചിത്രീകരണത്തില് പങ്കെടുക്കുകയായിരുന്നു. ഒടുവില് അജിത്തിന്റെ വിഡാമുയര്ച്ചി എന്ന സിനിമ റിലീസിന് ഒരുങ്ങിയെന്നത് ആരാധകരരെ ആവേശത്തിലാക്കിയിട്ടുണ്ട്.
അജിത്ത് നായകനായി വേഷമിട്ടതില് തുനിവാണ് ഒടുവില് പ്രദര്ശനത്തിനെത്തിയത്. മികച്ച വിജയമായി മാറിയിരുന്നു അജിത്ത് ചിത്രം തുനിവ് എന്നാണ് റിപ്പോര്ട്ടുകള് വ്യക്തമാക്കിയത്. സംവിധാനം എച്ച് വിനോദായിരുന്നു നിര്വഹിച്ചത്. ബാങ്ക് കൊള്ളയടിക്കുന്നതുമായി ബന്ധപ്പെട്ടായിരുന്നു അജിത്ത് ചിത്രത്തിന്റെ പ്രധാന പ്രമേയം.
ഹിറ്റ്മേക്കര് അറ്റ്ലിയുടെ ഒരു തമിഴ് ചിത്രത്തില് അജിത്ത് നായകനാകും എന്ന് റിപ്പോര്ട്ടുണ്ട്. സുധ കൊങ്ങര പ്രസാദ് സംവിധാനത്തിലുള്ള ചിത്രത്തിലും അജിത്ത് നായകനായേക്കുമെന്നും ഒരു റിപ്പോര്ട്ടുണ്ട്. സംവിധായകൻ ശ്രീ ഗണേഷ് അജിത്തുമായി സിനിമ സംബന്ധിച്ച് ചര്ച്ചകളിലാണെന്ന റിപ്പോര്ട്ടുകള് ആരാധകര്ക്കിടയില് പ്രചരിക്കുന്നുണ്ട്. ശ്രീ ഗണേഷ് 'കുരുതി ആട്ട'ത്തിന്റെ സംവിധായകൻ എന്ന നിലയില് ശ്രദ്ധയാകര്ഷിച്ചതാണ്. സംവിധായകനായി ശ്രീ ഗണേഷിന്റെ ആദ്യത്തെ ചിത്രം 'തോട്ടക്കള്' ആണ്. സംവിധായകൻ ശ്രീ ഗണേഷിന്റെ രണ്ടാമത്തെ ചിത്രം അടുത്തിടെ പുറത്തിറങ്ങിയ 'കുരുതി ആട്ടം' ആണ്. തമിഴകത്തിന്റെ അഥര്വ നായകനായി എത്തിയ ചിത്രത്തില് നിരവധി അജിത്ത് റെഫറൻസുകളുള്ളതിനാലാണ് അത്തരം വാര്ത്ത പ്രചരിക്കുന്നത്.
Read More: പറഞ്ഞ വാക്ക് എമ്പുരാൻ തെറ്റിക്കില്ല, ഇതാ വമ്പൻ അപ്ഡേറ്റ്
