അനൂപ് മേനോൻ നായകനാകുന്ന പുതിയ ചിത്രമാണ് 'ചെക്ക്മേറ്റ്'.
അനൂപ് മേനോൻ നായകനാകുന്ന പുതിയ ചിത്രം പ്രഖ്യാപിച്ചു. 'ചെക്ക്മേറ്റ്' എന്നാണ് ചിത്രത്തിന് പേരിട്ടിരിക്കുന്നത്. ചിത്രത്തിന്റെ ടൈറ്റില് പോസ്റ്റര് കഴിഞ്ഞ ദിവസം പുറത്തുവിട്ടു. ഒരു മൈൻഡ് ഗെയിം ത്രില്ലര് ചിത്രമായിരിക്കും ഇത് എന്നാണ് റിപ്പോര്ട്ട്.
അനൂപ് മേനോൻ നായകനാകുന്ന ചിത്രത്തിന്റെ സംവിധാനം രതിഷ് ശേഖറാണ്. രതീഷ് ശേഖറാണ് തിരക്കഥയും സംഗീതവും. രതീഷ് ശേഖര് തന്നെയാണ് ഛായാഗ്രാഹണവും. ലാല്, രേഖ ഹരീന്ദ്രൻ തുടങ്ങിയവര് ചിത്രത്തില് പ്രധാന വേഷങ്ങളില് എത്തുന്ന 'ചെക്ക്മേറ്റിന്റെ പ്രമേയം എന്തായിരിക്കും എന്ന് ഇതുവരെ പുറത്തുവിട്ടിട്ടില്ല.
രാകേഷ് ഗോപന്റെ സംവിധാനത്തില് ഒരുങ്ങുന്ന ചിത്രം 'തിമിംഗലവേട്ട'യാണ് അനൂപ് മേനോൻ നായകനായി പ്രദര്ശനത്തിന് തയ്യാറായിരിക്കുന്നത്. രാകേഷ് ഗോപൻ തന്നെ തിരക്കഥ എഴുതുന്ന ചിത്രം നിര്മിക്കുന്നത് വിഎംആർ ഫിലിംസിന്റെ ബാനറില് സജിമോനാണ്. ചിത്രം വിതരണത്തിനെത്തിക്കുന്നതും വിഎംആര് ഫിലിംസാണ്. പ്രൊഡക്ഷൻ കൺട്രോളർ എസ് മുരുകൻ.
കലാഭവൻ ഷാജോണ്, വിജയരാഘവൻ, രമേഷ് പിഷാരടി, മണിയൻ പിള്ള രാജു, നന്ദു, കോട്ടയം രമേഷ്, ബാലചന്ദ്രൻ ചുള്ളിക്കാട്, ബൻസി മാത്യു, രാജ്കുമാർ, മനോജ് (കെപിഎസി) പി പി.കുഞ്ഞിക്കണ്ണൻ, ഉണ്ണി ചിറ്റൂർ, മാഷ് ('ന്നാ താൻ കേസ് കൊട് ഫെയിം') എന്നിവരും പ്രധാന കഥാപാത്രങ്ങളാകുന്ന 'തിമിംഗലവേട്ട' എന്ന ചിത്രത്തിന്റെ ചിത്രത്തിന്റെ ഗാനരചന നിര്വഹിക്കുന്നത് ബി കെ ഹരിനാരായണനാണ്. ഫിനാൻസ് കൺട്രോളർ സന്തോഷ് ബാലരാമപുരം. ലൊക്കേഷൻ മാനേജർ സന്തോഷ് അരുവിപ്പുറം. കലാസംവിധാനം കണ്ണൻ ആതിരപ്പള്ളി, മേക്കപ്പ് റോണക്സ് സ്റ്റേർ, കോസ്റ്റ്യം ഡിസൈൻ അരുൺ മനോഹർ, പ്രൊഡക്ഷൻ എക്സിക്യൂട്ടീവ് ഹരി കാട്ടാക്കട, ഫോട്ടോ സിജോ ജോസഫ്, പിആര്ഒ വാഴൂര് ജോസ് എന്നിവരുമാണ്.
Read More: മോഹൻലാലിന്റെ ആ ചിരിയാണ് എനിക്ക് ഏറ്റവും മനോഹരമായ നിമിഷം: റിനോഷ്
അവസാന വാരത്തിലേക്ക് ബിഗ് ബോസ്, ഇനിയെന്ത് സംഭവിക്കും?
