അനുഷ്ക ശര്മയുടെ 'ഛക്ദ എക്സ്പ്രസ്' എന്ന ചിത്രത്തിന്റെ ബിഹൈൻഡ് ദ സീൻ വീഡിയോ.
ഇന്ത്യൻ ക്രിക്കറ്റ് താരം ജൂലൻ ഗോസ്വാമിയുടെ ജീവിത കഥ സിനിമയാകുകയാണ്. അനുഷ്ക ശര്മയാണ് ചിത്രത്തില് ജൂലൻ ഗോസ്വാമിയായി അഭിനയിക്കുന്നത്. 'ഛക്ദ എക്സ്പ്രസ്' എന്ന സിനിമയെ കുറിച്ച് അനുഷ്ക ശര്മ തന്നെയായിരുന്നു സാമൂഹ്യമാധ്യമത്തിലൂടെ അറിയിച്ചത്. ഇപ്പാഴിതാ 'ഛക്ദ എക്സ്പ്രസ്' സിനിമയുടെ ബിടിഎസ് വീഡിയോ പുറത്തുവിട്ടിരിക്ുകകയാണ്.
പ്രോസിത് റോയ് ആണ് ചിത്രം സംവിധാനം ചെയ്യുന്നത്. അഭിഷേക് ബാനര്ജി ആണ് ചിത്രത്തിന്റെ തിരക്കഥ എഴുതുന്നത്. പ്രതിക ഷാ ആണ് ഛായാഗ്രാഹണം നിര്വഹിക്കുന്നത്.'ഛക്ദ എക്സ്പ്രസ്' എന്ന സിനിമയ്ക്ക് വേണ്ടി പരിശീലനം നടത്തുന്നതിന്റെ ഫോട്ടോയൊക്കെ നേരത്തെ അനുഷ്ക ശര്മ പങ്കുവെച്ചിരുന്നു.
'രബ് നെ ബന ദി ജോഡി'യിലൂടെ വെള്ളിത്തിരയില് നായികയായ അനുഷ്ക ശര്മ മകള് ജനിച്ച ശേഷം നടിയെന്ന നിലയില് വെള്ളിത്തിരയില് അത്ര സജീവമായിരുന്നില്ല. ബോളിവുഡിലെ ആദ്യ ചിത്രത്തിന് തന്നെ അനുഷ്ക ശര്മയ്ക്ക് മികച്ച നടിക്കുള്ള ഫിലിംഫെയര് അവാര്ഡ് നോമിനേഷൻ ലഭിച്ചിരുന്നു. മികച്ച നവാഗത നടിക്കുള്ള നോമിനേഷനും ലഭിച്ചിരുന്നു. ഒരിടവേള കഴിഞ്ഞ മികച്ച കഥാപാത്രമായി തിരിച്ചെത്തുകയാണ് അനുഷ്ക ശര്മ. ഗോസ്വാമി ഇന്ത്യൻ ക്രിക്കറ്റ് ടീമിന്റെ മുൻ ക്യാപ്റ്റനുമാണ്. ജൂലൻ ഗോസ്വാമി ലോക ക്രിക്കറ്റിലെ ഏറ്റവും മികച്ച വനിതാ ഫാസ്റ്റ് ബൗളറായിട്ടാണ് അറിയപ്പെട്ടിരുന്നത്. ഐസിസിയുടെ മികച്ച വനിതാ ക്രിക്കറ്റ് താരത്തിനുള്ള അവാര്ഡ് ജൂലൻ ഗോസ്വാമിക്ക് ലഭിച്ചിട്ടുണ്ട്. ഐസിസിയുടെ വനിതാ ഏകദിന ക്രിക്കറ്റിലെ ബൗളിംഗ് റാങ്കിംഗില് ജൂലൻ ഗോസ്വാമി ഒന്നാം സ്ഥാനത്തുമെത്തിയിട്ടുണ്ട്.
ഇന്ത്യൻ വനിതാ ക്രിക്കറ്റ് ടീം ക്യാപ്റ്റനായിരുന്ന മിതാലി രാജിന്റെ ജീവിതവും അടുത്തിടെ സിനിമയായി വെള്ളിത്തിരയിലേക്ക് എത്തിയിരുന്നു. 'സബാഷ് മിതു' എന്ന ചിത്രത്തില് തപ്സിയായിരുന്നു നായിക. ശ്രീജിത്ത് മുഖര്ജിയാണ് ചിത്രം സംവിധാനം ചെയ്തത്. സിര്ഷ റേ ചിത്രത്തിന്റെ ഛായാഗ്രാഹണം നിര്വഹിച്ചു. ശ്രീകര് പ്രസാദാണ് ചിത്രത്തിന്റെ ചിത്രസംയോജനം. അമിത് ത്രിവേദിയാണ് ചിത്രത്തിന്റെ സംഗീത സംവിധാനം നിര്വഹിച്ചു. വനിതാ ഏകദിന ടെസ്റ്റ് ടീമുകളുടെ ക്യാപ്റ്റനായിരുന്ന മിതാലി രാജ് ജൂണ് എട്ടിനാണ് അന്താരാഷ്ട്ര ക്രിക്കറ്റില് നിന്ന് വിരമിച്ചത്.
Read More : 'സൈറണു'മായി കീര്ത്തി സുരേഷ്, ജയം രവി ചിത്രത്തിന്റെ മോഷൻ പോസ്റ്റര് വീഡിയോ
