അനുഷ്ക ഷെട്ടി തിരിച്ചെത്തുന്ന ചിത്രമെന്ന പ്രത്യേകതയുണ്ട് 'മിസ് ഷെട്ടി മിസ്റ്റര് പൊലിഷെട്ടി'ക്ക്.
അനുഷ്ക ഷെട്ടി നായികയാകുന്ന ചിത്രം 'മിസ് ഷെട്ടി മിസ്റ്റര് പൊലിഷെട്ടി' ആരാധകര് ആകാംക്ഷയോടെ കാത്തിരിക്കുന്ന ഒന്നാണ്. ഷെഫ് ആയിട്ടാണ് ചിത്രത്തില് അനുഷ്ക ഷെട്ടി വേഷമിടുന്നത് എന്ന് നേരത്ത റിപ്പോര്ട്ടുകള് വന്നിരുന്നു. മഹേഷ് ബാബു പി ആണ് ചിത്രം സംവിധാനം ചെയ്യുന്നത്. 'മിസ് ഷെട്ടി മിസ്റ്റര് പൊലിഷെട്ടി'യുടെ ടീസര് പുറത്തുവിട്ടിരിക്കുകയാണ് ഇപ്പോള്.
അനുഷ്ക ഷെട്ടിയുടേതായി കഴിഞ്ഞ വര്ഷം അവസാനം പ്രഖ്യാപിച്ചതാണ് 'മിസ് ഷെട്ടി മിസ്റ്റര് പൊലിഷെട്ടി' എന്ന ചിത്രം. കോമഡിക്ക് പ്രാധാന്യം നല്കിയിട്ടുള്ള ചിത്രമായിരിക്കും ഇത് എന്നായിരുന്നു നേരത്തെയുള്ള റിപ്പോര്ട്ടുകള്. ചിത്രത്തില് നവീൻ പൊലിഷെട്ടിയാണ് നായകൻ. അനുഷ്ക ഷെട്ടി ചിത്രം 'മിസ് ഷെട്ടി മിസ്റ്റര് പൊലിഷെട്ടി' യുവി ക്രിയേഷൻസാണ് നിര്മിക്കുന്നത്.
അനുഷ്ക ഷെട്ടി നായികയായി ഏറ്റവും ഒടുവില് പ്രദര്ശനത്തിന് എത്തിയ ചിത്രം 'നിശബ്ദം' ആണ്. ഹേമന്ത് മധുകര് ആണ് അനുഷ്കയുടെ ചിത്രം സംവിധാനം ചെയ്തത്. 'സാക്ഷി' എന്ന കഥാപാത്രത്തെ 'നിശബ്ദമെന്ന' ചിത്രത്തില് അവതരിപ്പിച്ച അനുഷ്ക ഷെട്ടിക്ക് ഏറെ പ്രശംസയും ലഭിച്ചിരുന്നു. അനുഷ്ക ഷെട്ടിയുടെ കഥാപാത്രത്തിന് തന്നെയായിരുന്നു ചിത്രത്തില് പ്രാധാന്യം ഉണ്ടായിരുന്നതും.
ഒരു ക്രിക്കറ്റ് താരമാണ് തന്റെ ക്രഷ് എന്ന് അനുഷ്ക അടുത്തിടെ വെളിപ്പെടുത്തിയത് ആരാധകര് ചര്ച്ചയാക്കിയിരുന്നു. ഇന്ത്യൻ ക്രിക്കറ്റ് താരം രാഹുല് ദ്രാവിഡിനോട് തനിക്ക് ക്രഷ് ആയിരുന്നു എന്നാണ് അനുഷ്ക ഷെട്ടി ഒരു അഭിമുഖത്തില് വെളിപ്പെടുത്തിയിരുന്നത്. രാഹുല് ദ്രാവിഡിനോട് പ്രണയം തോന്നിയിരുന്നു എന്നാണ് അനുഷ്ക ഷെട്ടി പറഞ്ഞികുന്ന. ഇന്ത്യൻ ക്രിക്കറ്റ് താരങ്ങളോട് ക്രഷ് തോന്നിയ കാര്യം അനുഷ്കയ്ക്ക് പുറമേ മുമ്പും മറ്റ് പല ചലച്ചിത്ര താരങ്ങളും വെളിപ്പെടുത്തിയിട്ടുണ്ട്.
Read More: ചോളൻമാരുടെ രണ്ടാം വരവ് ചരിത്രമാകുന്നു, 'പൊന്നിയിൻ സെല്വൻ 2'100 കോടി ക്ലബില്
