എസ് എന് സ്വാമി- കെ മധു- മമ്മൂട്ടി കൂട്ടുകെട്ടില് ഒരുങ്ങുന്ന സിബിഐ5ലാണ് മമ്മൂട്ടി ഇപ്പോൾ അഭിനയിച്ചു കൊണ്ടിരിക്കുന്നത്.
മലയാള സിനിമാസ്വാദകർ ഏറെ പ്രതീക്ഷയോടെയും കൗതുകത്തോടെയും കാത്തിരിക്കുന്ന മമ്മൂട്ടി (Mammootty) ചിത്രമാണ് ഭീഷ്മ പർവ്വം (Bheeshma Parvam). പ്രഖ്യാപന സമയം മുതൽ ശ്രദ്ധനേടിയ ചിത്രം സംവിധാനം ചെയ്യുന്നത് അമൽ നീരദാണ്(Amal Neerad). സിനിമയുടെ പോസ്റ്ററുകൾക്ക് മികച്ച പ്രതികരണമാണ് സോഷ്യൽ മീഡിയയിൽ നിന്നും ലഭിച്ചത്. ചിത്രം അടുത്ത മാസം പ്രേക്ഷകർക്ക് മുന്നിലെത്തും. ഇപ്പോഴിതാ ചിത്രത്തിലെ ലിറിക് വീഡിയോ പുറത്തുവിട്ടിരിക്കുകയാണ് അണിയറ പ്രവർത്തകർ.
ഹംസിക അയ്യരും കപിൽ കപിലനും ചേർന്നാണ് അകാശം പോലെ എന്ന് തുടങ്ങുന്ന ഗാനം ആലപിച്ചിരിക്കുന്നത്. റഫീക് അഹമ്മദിന്റെ വരികൾക്ക് ഈണം നൽകിയിരിക്കുന്നത് സുഷിൻ ശ്യം ആണ്. പുറത്തിറങ്ങി മിനിറ്റുകൾക്കുള്ളിൽ തന്നെ മികച്ച പ്രതികരണമാണ് ചിത്രത്തിന് ലഭിച്ചു കൊണ്ടിരിക്കുന്നത്.
നേരത്തെ പുറത്തിറങ്ങിയ ചിത്രത്തിലെ പറുദീസ എന്ന ഗാനം ഏറെ ശ്രദ്ധനേടിയിരുന്നു. സുഷിൻ ശ്യാം തന്നെയാണ് ഈ ഗാനവും ഒരുക്കിയിരിക്കുന്നത്. ശ്രീനാഥ് ഭാസി ആലപിച്ച ഗാനത്തിന്റെ വരികൾ വിനായക് ശശികുമാർ ആയിരുന്നു തയ്യാറാക്കിയത്.
ഡ്രാമ വിഭാഗത്തില് പെടുന്ന ചിത്രത്തില് മൈക്കിൾ എന്ന കഥാപാത്രത്തെയാണ് മമ്മൂട്ടി അവതരിപ്പിക്കുന്നത്.
തബു, ഫര്ഹാന് ഫാസില്, ഷൈന് ടോം ചാക്കോ, സൗബിന് ഷാഹിര്, ശ്രീനാഥ് ഭാസി, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, ശ്രിന്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നിരക്കുന്നത്. അമൽ നീരദും ദേവ്ദത്ത് ഷാജിയും ചേർന്നാണ് ചിത്രത്തിന്റെ തിരക്കഥ.
Read More: Mammootty and Dulquer : ഏറ്റുമുട്ടാനൊരുങ്ങി അച്ഛനും മകനും; മമ്മൂട്ടി, ദുൽഖർ ചിത്രങ്ങൾ ഒരേ ദിവസം
മുഖ്യധാരാ സിനിമയില് പില്ക്കാലത്ത് കള്ട്ട് പദവി തന്നെ നേടിയ ബിഗ് ബി പുറത്തിറങ്ങി 14 വര്ഷത്തിനു ശേഷമാണ് മമ്മൂട്ടിയും അമല് നീരദും വീണ്ടും ഒന്നിക്കുന്നത്. ബിഗ് ബിയുടെ തുടര്ച്ചയായ ബിലാല് ആണ് ഇരുവരും ചെയ്യാനിരുന്ന ചിത്രം. എന്നാല് വലിയ കാന്വാസും നിരവധി ഔട്ട്ഡോര് സീക്വന്സുകളുമൊക്കെയുള്ള ചിത്രം കൊവിഡ് പശ്ചാത്തലത്തില് അസാധ്യമായതിനാല് ആ ഇടവേളയില് താരതമ്യേന ഒരു ചെറിയ ചിത്രം ചെയ്യുകയായിരുന്നു അവര്. ഭീഷ്മ പര്വ്വം അടുത്ത മാസം മൂന്നാം തീയതി പ്രേക്ഷകര്ക്ക് മുന്നിലെത്തും.
അതേസമയം, എസ് എന് സ്വാമി- കെ മധു- മമ്മൂട്ടി കൂട്ടുകെട്ടില് ഒരുങ്ങുന്ന സിബിഐ5ലാണ് മമ്മൂട്ടി ഇപ്പോൾ അഭിനയിച്ചു കൊണ്ടിരിക്കുന്നത്. സിബിഐ ഉദ്യോഗസ്ഥന് സേതുരാമയ്യരായി മമ്മൂട്ടി വീണ്ടും സ്ക്രീനിലെത്തുന്ന ചിത്രത്തിന്റെ രചന എസ് എന് സ്വാമിയുടേത് തന്നെയാണ്. ഭീഷ്മ പര്വ്വം, പുഴു, നന്പകല് നേരത്ത് മയക്കം തുടങ്ങി നിരവധി ശ്രദ്ധേയ ചിത്രങ്ങളാണ് മമ്മൂട്ടിയുടേതായി അണിയറയിൽ ഒരുങ്ങുന്നത്.
