റെജിൻ എസ് ബാബു സംവിധാനം ചെയ്യുന്ന പുതിയ മിസ്റ്ററി ത്രില്ലർ ചിത്രമാണ് ഭൗമ.
അറ്റ് ഫിലിംസ് പ്രൈവറ്റ് ലിമിറ്റഡിൻ്റെ ബാനറിൽ ബസ്സം കാദിയാർ നിർമ്മിച്ച് റെജിൻ എസ് ബാബു തിരക്കഥ രചിച്ച് സംവിധാനം ചെയ്യുന്ന പുതിയ ചിത്രമാണ് ഭൗമ. ചിത്രത്തിൻ്റെ ഫസ്റ്റ് ലുക്ക് ഇക്കഴിഞ്ഞ ദിവസം പ്രകാശനം ചെയ്തു. പതിനാറ് അഭിനേതാക്കളുടെ വ്യത്യസ്ഥ ഭാവത്തിലുള്ള ലുക്കോടെയാണ് ഫസ്റ്റ് ലുക്ക് എത്തിയിരിക്കുന്നത്. ഏറെ കൗതുകം നിറക്കുന്ന ഈ പോസ്റ്ററിൻ്റെ പിന്നിൽ എന്തൊക്കെയാണ് ഒളിപ്പിച്ചിരിക്കുന്നത്? മിസ്റ്ററി തില്ലർ ജോണറിൽ അവതരിപ്പിക്കുന്ന ഈ ചിത്രം രണ്ട് കാലഘട്ടങ്ങളിലൂടെയാണ് സഞ്ചരിക്കുന്നത്. പെൻഡുലം എന്ന ചിത്രത്തിനു ശേഷം റെജിൻ എസ് ബാബു സംവിധാനം ചെയ്യുന്ന ഈ ചിത്രവും ഏറെ പ്രതീക്ഷ നൽകുന്നതാണ്.
വിനീത്, ദിലീഷ് പോത്തൻ, സാഗർ സൂര്യ, ജനാർദ്ദനൻ, ലെന, രേവതി ശർമ്മ (തലവര ഫെയിം), കാവ്യ ഭാനു, അനിത നായർ എന്നിവർ പ്രധാന വേഷങ്ങളിലെത്തുന്നു. ശരൺ വേലായുധനാണ് ഛായാഗ്രാഹകൻ. എഡിറ്റിംഗ് സൂരജ് ഇ എസ്, പ്രൊഡക്ഷൻ ഡിസൈനർ അപ്പുണ്ണി സാജൻ, കലാസംവിധാനം നിബിൻ വർഗീസ്, മേക്കപ്പ് റോണി വെള്ളത്തൂവൽ, കോസ്റ്റ്യൂം ഡിസൈൻ ഗോപിക ഉണ്ണികൃഷ്ണൻ, സ്റ്റിൽസ് ജിതിൻ എസ് ബാബു, ചീഫ് അസോസിയേറ്റ് ഡയറക്ടർ ഏബ്രഹാം സൈമൺ (അബ്രു), ഫിനാൻസ് കൺട്രോളർ രാഹുൽ പിള്ള, പ്രൊഡക്ഷൻ മാനേജർ ജസ്റ്റിൻ ടോണി തോമസ്, പ്രൊഡക്ഷൻ എക്സിക്യൂട്ടീവ് ഷെറിൻ സ്റ്റാൻലി, പ്രൊഡക്ഷൻ കൺട്രോളർ ജോബ് ജോർജ്. കൊച്ചി, പീരുമേട് എന്നിവിടങ്ങളിലായിട്ടാണ് ഈ സിനിമയുടെ ചിത്രീകരണം പൂർത്തിയായിരിക്കുന്നത്. പിആര്ഒ വാഴൂർ ജോസ്.
