ഗൗതം വാസുദേവ് മേനോനാണ് സംവിധാനം.
വിക്രം നായകനായി ആരാധകര് കാത്തിരിക്കുന്ന ചിത്രമാണ് 'ധ്രുവ നച്ചത്തിരം'. ഗൗതം വാസുദേവ് മേനോനാണ് ചിത്രം സംവിധാനം ചെയ്യുന്നത്. ചിത്രത്തിന്റെ റിലീസ് അനിശ്ചിതമായി നീണ്ടുപോയിരുന്നു. എന്തായാലും വിക്രം ചിത്രം റിലീസിന് തയ്യാറെടുക്കുന്നു എന്നാണ് പുതിയ റിപ്പോര്ട്ട്.
ജൂലൈ 14ന് ചിത്രം റിലീസാകുമെന്നാണ് വാര്ത്തകള് വരുന്നത്. പോസ്റ്റ് പ്രൊഡക്ഷൻ ജോലികള് ദ്രുതഗതിയിലാണ് പുരോമഗിക്കുന്നത് എന്നാണ് റിപ്പോര്ട്ട്. ഗൗതം വാസുദേവ് മേനോന്റെ സംവിധാനത്തിലുള്ള ചിത്രത്തില് വിക്രം നായകനാകുമ്പോള് വിജയത്തില് കുറഞ്ഞൊന്നും ആരാധകര് പ്രതീക്ഷിക്കുന്നില്ല. ഒരു സ്പൈ ത്രില്ലര് ഗണത്തിലുള്ള ചിത്രമാണ് ഇത്.
ഋതു വർമ്മ, ഐശ്വര്യ രാജേഷ്, സിമ്രാൻ, ആർ പാർത്ഥിപൻ, വിനായകൻ, രാധിക ശരത്കുമാർ, ദിവ്യദർശിനി, മുന്ന സൈമൺ, സതീഷ് കൃഷ്ണൻ, വംശി കൃഷ്ണ, സലിം ബെയ്ഗ് എന്നിവരടങ്ങുന്ന വമ്പൻ താരനിര ധ്രുവ നച്ചത്തിരത്തിലുണ്ട്. വിക്രം ഒരു സീക്രട്ട് ഏജന്റായിട്ടാണ് ചിത്രത്തില് വേഷമിടുന്നത്. 'ജോൺ എന്നാണ്' കഥാപാത്രത്തിന്റെ പേര്. ഉദയനിധി സ്റ്റാലിനാണ് ചിത്രത്തിന്റെ വിതരണം.
പാ രഞ്ജിത്തിന്റെ സംവിധാനത്തിലുള്ള പുതിയ ചിത്രമായ 'തങ്കലാനും' പൂര്ത്തിയായിക്കൊണ്ടിരിക്കുകയാണ് എന്നാണ് റിപ്പോര്ട്ട്. ചിയാൻ വിക്രം നായകനാകുന്ന അറുപത്തിയൊന്നാമത്തെ ചിത്രം 'തങ്കലാന്റെ' കലാ സംവിധാനം നിര്വഹിക്കുന്നത് എസ് എസ് മൂർത്തിയാണ്. മലയാളികളായ പാര്വതിയും മാളവിക മോഹനനും ചിത്രത്തില് പ്രധാന സ്ത്രീ കഥാപാത്രങ്ങളാകുന്നു. ജി വി പ്രകാശ് കുമാറാണ് സംഗീതം ഒരുക്കുന്നത്. കെ ഇ ജ്ഞാനവേല് രാജയാണ് ചിത്രം നിര്മ്മിക്കുന്നത്. പാ രഞ്ജിത്ത് സംവിധാനം ചെയ്യുന്ന ചിത്രത്തിന്റെ പശ്ചാത്തലം കര്ണാടകത്തിലെ കോളാര് ഗോള്ഡ് ഫീല്ഡ്സ് ആണ്. പത്തൊമ്പതാം നൂറ്റാണ്ടിൽ ബ്രിട്ടീഷ് കാലഘട്ടത്തിൽ കോളാര് ഗോള്ഡ് ഫീല്ഡ്സില് നടന്ന ഒരു സംഭവത്തെ ആസ്പദമാക്കിയാണ് 'തങ്കലാൻ' എന്ന ചിത്രം ഒരുങ്ങുന്നതെന്നാണ് വിവരം.
Read More: അജയ് ദേവ്ഗണ് ചിത്രം 'ഭോലാ' ഒടിടിയില് സ്ട്രീമിംഗ് ആരംഭിച്ചു
