ധനുഷിന്റെ ആരാധകര് കാത്തിരിക്കുന്ന ഒരു ചിത്രമാണ് ക്യാപ്റ്റൻ മില്ലര്.
ധനുഷ് നായകനായി വേഷമിട്ട് വരാനിരിക്കുന്ന ചിത്രം ക്യാപ്റ്റൻ മില്ലര് ആരാധകര് ആകാംക്ഷയോടെ കാത്തിരിക്കുന്നതാണ്. ക്യാപ്റ്റൻ മില്ലര് ഒരു ആക്ഷൻ ചിത്രമായിരിക്കും എന്ന് നേരത്തെ റിപ്പോര്ട്ടുകളുണ്ടായിരുന്നു. എന്നാല് നടൻ എന്ന നിലയിലും ചിത്രം ധനുഷിന് മികച്ച ഒരു അവസരമായിരിക്കും എന്നാണ് സംവിധായകൻ അരുണ് മതേശ്വരൻ വ്യക്തമാക്കിയിരിക്കുന്നത്. ക്യാപ്റ്റൻ മില്ലറില് മൂന്ന് ഇമോഷണല് രംഗങ്ങള് ഉണ്ടെന്നും ധനുഷ് മികച്ച പ്രകടനമാണ് നടത്തിയിരിക്കുന്നത് എന്നും അരുണ് മതേശ്വരൻ പറയുന്നു.
അസുരൻ, മയക്കം എന്നാ തുടങ്ങിയ സിനിമകളിലെ പ്രകടനത്തെ അനുസ്മരിപ്പിക്കുന്നതാണ് ക്യാപ്റ്റൻ മില്ലെറിലും ധനുഷ് നടത്തിയിരിക്കുന്നത് എന്നും അരുണ് മതേശ്വരൻ വ്യക്തമാക്കുന്നു. പ്രിയങ്ക അരുള് മോഹനാണ് ധനുഷ് ചിത്രത്തില് നിര്ണായകമായ നായികയുടെ വേഷത്തില് എത്തുന്നത്. ഛായാഗ്രാഹണം സിദ്ധാര്ഥാണ് നിര്വഹിക്കുക. ജി വി പ്രകാശ് കുമാര് സംഗീതം നിര്വഹിക്കുന്ന ക്യാപ്റ്റൻ മില്ലെറില് ധനുഷിനും പ്രിയങ്ക അരുള് മോഹനുമൊപ്പം സുന്ദീപ് കിഷൻ, ശിവരാജ് കുമാര്, ജോണ് കൊക്കെൻ, നിവേധിത സതിഷും പ്രധാന കഥാപാത്രങ്ങളായി എത്തുമ്പോള് റിലീസ് ജനുവരി പന്ത്രണ്ടിനാണ്.
വാത്തിയാണ് ധനുഷ് നായകനായി വേഷമിട്ടവയില് ഒടുവില് പ്രദര്ശനത്തിന് എത്തിയതും വൻ ഹിറ്റായി മാറിയതും. വെങ്കി അറ്റ്ലൂരിയായിരുന്നു വാത്തി തിരക്കഥയെഴുതി സംവിധാനം ചെയ്തത്. മലയാളി നടി സംയുക്തയായിരുന്നു ധനുഷ് ചിത്രത്തില് നായികയായത്. സംഗീതം ജി വി പ്രകാശ് കുമാറായിരുന്നു. വംശി എസും സായ് സൗജന്യയും ചേര്ന്നാണ് 'വാത്തി' നിര്മിച്ചിരിക്കുന്നത്. ജെ യുവരാജാണ് വാത്തിയുടെ ഛായാഗ്രാഹണം. നായകൻ ധനുഷിനും നായിക സംയുക്തയ്ക്കുമൊപ്പം ചിത്രത്തില് സമുദ്രക്കനി .പ്രവീണ എന്നിവരും പ്രധാന കഥാപാത്രങ്ങളായി ഉണ്ടായിരുന്നു. ചിത്രത്തിലെ ഗാനങ്ങളും ആരാധകര് ഏറ്റെടുത്തിരുന്നു.
വാത്തി വൻ ഹിറ്റായി മാറിയിരുന്നു. ആഗോള ബോക്സ് ഓഫീസില് 100 കോടി ക്ലബില് വാത്തി ഇടംനേടിയിരുന്നു. ധനുഷിന്റെ മികച്ച പ്രകടനവും ആകര്ഷകമായിരുന്നു. ധനുഷ് നായകനായ വാത്തി മികച്ചൊരു സിനിമ എന്നാണ് കണ്ടവര് അഭിപ്രായപ്പെട്ടതും.
