ഒളിംപിക് ചരിത്രത്തില് അത്ലറ്റിക്സില് നിന്നുള്ള ഇന്ത്യയുടെ ആദ്യ മെഡലാണിത്.
ടോക്യോ ഒളിംപിക്സിന്റെ ചരിത്രത്തിലാദ്യമായി അത്ലറ്റിക്സില് ഇന്ത്യക്ക് ഒരു മെഡല് സമ്മാനിച്ച നീരജ് ചോപ്രക്ക് അഭിനന്ദനവുമായി സിനിമാ താരങ്ങൾ. അക്ഷയ് കുമാർ, ദീപിക പദുകോൺ, മമ്മൂട്ടി,മോഹന്ലാല്, ഷറഫുദ്ദീൻ, ദുൽഖർ, രജീഷ വിജയൻ, ബാബുരാജ് തുടങ്ങി നിരവധി പേരാണ് നീരജിന് ആശംസയുമായി രംഗത്തെത്തിയത്. പുരുഷ ജാവലിന് ത്രോയിലാണ് നീരജ് ഇന്ത്യക്ക് സ്വര്ണം സമ്മാനിച്ചത്.
87.58 ദൂരം താണ്ടിയാണ് ചോപ്ര സ്വര്ണം നേടിയത്. താരത്തിന് വെല്ലുവിളിയാകുമെന്ന് കരുതപ്പെട്ട ജര്മന് താരം, ലോക ഒന്നാം നമ്പര് ജൊഹന്നാസ് വെറ്റര് പാടേ നിരാശപ്പെടുത്തി. ആദ്യ ശ്രമത്തില് 87.03 മീറ്റര് ദൂരം എറിഞ്ഞ് ഒന്നാമെത്തിയ നീരജ് രണ്ടാം ശ്രമത്തില് 87.58 മീറ്റര് ദൂരം പിന്നിട്ട് ഒന്നാം സ്ഥാനം നിലനിര്ത്തുക ആയിരുന്നു.
ഒളിംപിക് ചരിത്രത്തില് അത്ലറ്റിക്സില് നിന്നുള്ള ഇന്ത്യയുടെ ആദ്യ മെഡലാണിത്. 2008ലെ ബീജിംഗ് ഒളിംപിക്സില് അഭിനവ് ബിന്ദ്ര സ്വര്ണം നേടിയശേഷം ഒളിംപിക്സിലെ ഇന്ത്യയുടെ ആദ്യ സ്വര്ണ നേട്ടവുമാണിത്. ജാവലിന് ത്രോ ഫൈനലിലെ ആദ്യ രണ്ട് റൗണ്ടിലും പുറത്തെടുത്ത മികവാണ് നീരജിന് ടോക്യോയില് സ്വര്ണ മെഡല് സമ്മാനിച്ചത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona
