ഫൈറ്റ് സ്വീക്വൻസ് ഷൂട്ട് കഴിഞ്ഞ് നിൽക്കുന്ന സമയത്താണ് വിജയ്ക്ക് ഒപ്പം ഉണ്ണിക്കണ്ണൻ ഫോട്ടോ എടുത്തത്.
ഏറെ നാളത്തെ കാത്തിരിപ്പിന് ഒടുവിൽ നടനും തമിഴ്നാട് മുഖ്യമന്ത്രിയുമായ വിജയ്ക്ക് ഒപ്പമുള്ള ഫോട്ടോ പങ്കിട്ട് ഉണ്ണിക്കണ്ണൻ മംഗലം ഡാം. ജനനായകൻ സിനിമയുടെ സെറ്റിൽ നിന്നുള്ളതാണ് ഫോട്ടോ. ഫൈറ്റ് സ്വീക്വൻസ് ഷൂട്ട് കഴിഞ്ഞ് നിൽക്കുന്ന സമയത്താണ് വിജയ്ക്ക് ഒപ്പം ഉണ്ണിക്കണ്ണൻ ഫോട്ടോ എടുത്തത്. സെലിബ്രിറ്റികളടക്കം നിരവധി പേരാണ് പോസ്റ്റിന് താഴെ സ്നേഹം പങ്കിട്ട് കമന്റുകള് ചെയ്യുന്നത്. ചന്തു സലീംകുമാര് ഉണ്ണിക്കണ്ണന്റെ പോസ്റ്റ് സ്റ്റോറിയാക്കിയിട്ടുമുണ്ട്.
2025 ജനുവരിയില് കാല്നടയായി വിജയിയെ കാണാന് പോകുന്ന ഉണ്ണക്കണ്ണന്റെ വീഡിയോകളും വാര്ത്തകളും പുറത്തുവന്നിരുന്നു. കഴിഞ്ഞ കുറേക്കാലമായി വിജയിയെ കാണാൻ പരിശ്രമിച്ചുകൊണ്ടിരിക്കുന്ന ഉണ്ണിക്കണ്ണന്റെ വാർത്തകൾ തമിഴ് മാധ്യമങ്ങളിലും ഇടം നേടിയിരുന്നു. 'നമ്മൾ എന്തെങ്കിലും കാര്യത്തിന് ഇറങ്ങിത്തിരിച്ചാൽ അത് ഈസിയായി ജയിക്കുന്നതല്ല, അതിന് വേണ്ടി കഠിന പ്രയത്നം ചെയ്താൽ നമ്മൾ വിജയിക്കും. അതിന് വേണ്ടി പരിശ്രമിച്ചാൽ തന്നെ വിജയിച്ചു എന്നാണ് അർത്ഥം. അമ്മയും അച്ഛന്റെയും അനുഗ്രഹം വാങ്ങിയാണ് വീട്ടിൽ നിന്നും ഇറങ്ങിയത്', എന്നാണ് ഉണ്ണിക്കണ്ണൻ അന്ന് പ്രതികരിച്ചിരുന്നത്.
മംഗലം ഡാം സ്വദേശിയായ ഇയാൾ വീട്ടിൽ നിന്നും കാൽനടയായിട്ടാണ് വിജയിയെ കാണാൻ പോയത്. രാവിലെ അഞ്ചരക്ക് ആയിരുന്നു യാത്ര ആരംഭിച്ചത്. മൈലുകള് താണ്ടി ഒടുവില് ജനനായകന് സെറ്റിലെത്തിയ ഉണ്ണിക്കണ്ണന്, തന്റെ പ്രിയ താരത്തിനൊപ്പം ഫോട്ടോ എടുത്ത ശേഷം തിരികെ വരികയായിരുന്നു. അതേസമയം, 300 കോടി കളക്ഷന് പിന്നിട്ട ജനനായകന് ഒടിടി റിലീസിന് ഒരുങ്ങുകയാണ്. സീ ഫൈവിലൂടെയാണ് ചിത്രത്തിൻറെ ഒടിടി സ്ട്രീമിംഗ്. ഓഗസ്റ്റ് 21 മുതൽ ഒടിടിയിൽ ചിത്രം ലഭ്യമാവും. എച്ച്. വിനോദ് ആണ് ചിത്രം സംവിധാനം ചെയ്തത്.
Related Articles
