ഗൗതം കാര്ത്തിക്കും ചിത്രത്തില് പ്രധാനപ്പെട്ട കഥാപാത്രമായി എത്തുന്നുണ്ട്.
ചിമ്പു നായകനാകുന്ന ചിത്രം 'പത്ത് തല'യ്ക്കായി ആകാംക്ഷയോടെ കാത്തിരിക്കുകയാണ് ആരാധകര്. ഒബേലി എൻ കൃഷ്ണയാണ് ചിത്രം സംവിധാനം ചെയ്യുന്നത്. 'പത്ത് തല'യുടെ അപ്ഡേറ്റുകള്ക്ക് വലിയ സ്വീകാര്യത ലഭിക്കാറുമുണ്ട്. ഇപ്പോഴിതാ 'പത്ത് തല'യെ കുറിച്ചുള്ള ഒരു അപ്ഡേഷൻ ചിത്രത്തില് പ്രധാന കഥാപാത്രമായി എത്തുന്ന യുവ നടൻ ഗൗതം കാര്ത്തിക് ആണ് പങ്കുവെച്ചിരിക്കുന്നത്.
'പത്ത് തല' എന്ന ചിത്രത്തിനായി തന്റെ ഡബ്ബിംഗ് പൂര്ത്തിയാക്കിയതായാണ് ഗൗതം അറിയിച്ചിരിക്കുന്നത്. ഒബേലി എൻ കൃഷ്ണ തന്നെ തിരക്കഥയും എഴുതുന്ന ചിത്രത്തില് ഗൗതം വാസുദേവ് മേനോൻ, പ്രിയ ഭവാനി ശങ്കര്, കലൈയരൻ, ടീജെ അരുണാസലം എന്നിവരും പ്രധാന കഥാപാത്രങ്ങളായി എത്തുന്നു. ഫറൂഖ് ജെ ബാഷയാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. എ ആര് റഹ്മാൻ സംഗീത സംവിധാനം നിര്വഹിക്കുന്ന ചിത്രം മാര്ച്ച് 30നായിരിക്കും റിലീസ് ചെയ്യുക എന്നാണ് റിപ്പോര്ട്ട്.
ചിമ്പു നായകനാകുന്ന 'പത്ത് തല'യുടെ ചിത്രീകരണം അടുത്തിടെ പൂര്ത്തിയായിരുന്നു. 'പത്ത് തല'യുടെ ഒടിടി റൈറ്റ്സ് വൻ തുകയ്ക്ക് വിറ്റുപോയതിനെ കുറിച്ചും വാര്ത്തകള് വന്നിരുന്നു. ചിത്രത്തിന്റെ തിയറ്റര് റിലീസിന് ശേഷമുള്ള ഒടിടി റൈറ്റ്സ് ആമസോണ് പ്രൈം വീഡിയോയാണ് സ്വന്തമാക്കിയിരിക്കുന്നത് എന്നായിരുന്നു റിപ്പോര്ട്ട്. എന്തായാലും ചിമ്പുവിന് വലിയ പ്രതീക്ഷകളുള്ള ചിത്രമാണ് 'പത്ത് തല'.
ചിമ്പു നായകനാകുന്ന പുതിയ ചിത്രം എ ആര് മുരുഗദോസ് സംവിധാനം ചെയ്തേക്കുമെന്നും റിപ്പോര്ട്ടുണ്ട്. ചിത്രം നിര്മിക്കാൻ ഹൊംമ്പാളെ ഫിലിംസ് ആലോചിക്കുന്നു. ഇക്കാര്യത്തില് ഔദ്യോഗിക പ്രഖ്യാപനം വന്നിട്ടില. എ ആര് മുരുഗദോസിന്റെ സംവിധാനത്തില് ചിമ്പു നായകനായി സൂപ്പര്ഹീറോ ചിത്രം വരുന്നുവെന്ന അഭ്യൂഹം എന്തായാലും ആരാധകര് ഏറ്റെടുത്തിരിക്കുകയാണ്. ചിമ്പു നായകനായി ഏറ്റവും ഒടുവില് തിയറ്ററില് എത്തിയ ചിത്രം 'വെന്ത് തനിന്തതു കാടാ'ണ്. ഗൗതം വാസുദേവ് മേനോനാണ് ചിത്രം സംവിധാനം ചെയ്തത്. 'വെന്ത് തനിന്തതു കാടി'ന് രണ്ടാം ഭാഗം വരുമെന്നും റിപ്പോര്ട്ടുണ്ട്.
Read More: പകരക്കാരിയായി എത്തിയ സഹോദരിയെ അവര് തിരിച്ചറിയുമോ?, 'സ്കൂള്' റിവ്യു
