'സൂപ്പര്‍ ശരണ്യ'യ്ക്കു ശേഷം അടുത്ത ചിത്രം പ്രഖ്യാപിച്ച് ഗിരീഷ് എ ഡി; 'ഐ ആം കാതലന്‍' വരുന്നു
ചിത്രത്തില്‍ നസ്‍ലെന്‍ ആണ് നായകന്‍
തണ്ണീര്‍മത്തന്‍ ദിനങ്ങള്‍ എന്ന അരങ്ങേറ്റ ചിത്രത്തിലൂടെ വലിയ പ്രേക്ഷക സ്വീകാര്യത നേടിയ സംവിധായകനാണ് ഗിരീഷ് എ ഡി. പിന്നാലെയെത്തിയ സൂപ്പര്‍ ശരണ്യയും തിയറ്ററുകളില്‍ ശ്രദ്ധിക്കപ്പെട്ടു. ഇപ്പോഴിതാ കരിയറിലെ മൂന്നാമത്തെ ചിത്രവുമായി എത്തുകയാണ് യുവനിരയിലെ ശ്രദ്ധേയ സംവിധായകന്‍. ഐ ആം കാതലന്‍ എന്നു പേരിട്ടിരിക്കുന്ന ചിത്രത്തില്‍ നസ്‍ലെന്‍ ആണ് നായകന്‍. ടൈറ്റില്‍ പോസ്റ്ററിനൊപ്പമാണ് ചിത്രം പ്രഖ്യാപിച്ചിരിക്കുന്നത്.
ഡോ. പോള്‍സ് എന്‍റര്‍ടെയ്ന്‍‍മെന്‍റിന്‍റെ ബാനറില്‍ ഡോ. പോള്‍ വര്‍ഗീസ് ആണ് ഈ ചിത്രത്തിന്‍റെ നിര്‍മ്മാണം. നസ്‍ലെനൊപ്പം ദിലീഷ് പോത്തന്‍, ലിജിമോള്‍, വിനീത് വാസുദേവന്‍, സജിന്‍ ചെറുകയില്‍, വിനീത് വിശ്വം, അനിഷ്മ അനില്‍കുമാര്‍ തുടങ്ങിയവര്‍ മറ്റു കഥാപാത്രങ്ങളെ അവതരിപ്പിക്കുന്നു. സജിന്‍ ചെറുകയിലിന്‍റേതാണ് ചിത്രത്തിന്‍റെ രചന. ഛായാഗ്രഹണം ശരണ്‍ വേലായുധന്‍, എഡിറ്റിംഗ് ആകാശ് ജോസഫ് വര്‍ഗീസ്, സംഗീതം സിദ്ധാര്‍ഥ പ്രദീപ്, കലാസംവിധാനം വിവേക് കളത്തില്‍, വസ്ത്രാലങ്കാരം ധന്യ ബാലകൃഷ്ണന്‍, സൌണ്ട് ഡിസൈന്‍ അരുണ്‍ വെയ്‍ലര്‍, ഫൈനല്‍ മിക്സ് വിഷ്ണു സുജാതന്‍, സംഗീതം സിനൂപ് രാജ്, വരികള്‍ സുഹൈല്‍ കോയ, പ്രൊഡക്ഷന്‍ കണ്‍ട്രോളര്‍ മനോജ് പൂങ്കുന്നം, ചീഫ് അസോസിയേറ്റ് ഡയറക്ടര്‍ രോഹിത്ത് ചന്ദ്രശേഖര്‍, വിഎഫ്എക്സ് പ്രോമിസ്, ടൈറ്റില്‍ ശബരീഷ് രവി (തിങ്കര്‍മില്‍), പബ്ലിസിറ്റി ഡിസൈന്‍ യെല്ലോടൂത്ത്സ്. ശ്രീ ഗോകുലം മൂവീസ് ആണ് ചിത്രം തിയറ്ററുകളില്‍ എത്തിക്കുന്നത്. ഡിസ്ട്രിബ്യൂഷന്‍ പാര്‍ട്നര്‍ ഡ്രീം ബിഗ് ഫിലിംസ്. ഡയറക്ഷന്‍ ടീം രോഹിത് ചന്ദ്രശേഖര്‍, ഷിബിന്‍ മുരുകേഷ്, അര്‍ജുന്‍ കെ, റീസ് തോമസ്, അന്‍വിന്‍ വെയ്ന്‍. പ്രൊഡക്ഷന്‍ എക്‌സിക്യൂട്ടീവ്സ് ഉണ്ണി പൂങ്കുന്നം, ഷിന്റോ ഇരിഞ്ഞാലക്കുട, പി ആർ ഒ- എ എസ് ദിനേശ്.
ALSO READ : ഡോണ്‍ പാലത്തറയുടെ 'ഫാമിലി' റോട്ടര്‍ഡാം ചലച്ചിത്ര മേളയിലേക്ക്
