കുട്ടിക്കാലത്ത് ഗിറ്റാറും പിടിച്ച് സഹോദരിക്കൊപ്പം ഗോപി സുന്ദര്; ഫോട്ടോ ചര്ച്ചയാക്കി ആരാധകര്
സഹോദരിക്കൊപ്പമുള്ള കുട്ടിക്കാലത്തെ ഫോട്ടോ ഷെയര് ചെയ്ത് ഗോപി സുന്ദര്.
മലയാളത്തിന്റെ പ്രിയപ്പെട്ട സംഗീത സംവിധായകനാണ് ഗോപി സുന്ദര്. മലയാളത്തില് മാത്രമല്ല മറ്റ് തെന്നിന്ത്യൻ ഭാഷകളിലും ഗോപി സുന്ദര് ശ്രദ്ധേയനാണ്. ഗോപി സുന്ദറിന്റെ ഫോട്ടോകള് ഓണ്ലൈനില് തരംഗമാകാറുണ്ട്. ഗോപി സുന്ദര് ഷെയര് ചെയ്ത കുട്ടിക്കാലത്തെ ഫോട്ടോയാണ് ആരാധകര് ഇപ്പോള് ചര്ച്ചയാക്കുന്നത്. സഹോദരിക്കൊപ്പമുള്ള ഫോട്ടോയാണ് ഗോപി സുന്ദര് ഷെയര് ചെയ്തിരിക്കുന്നത്.
ഞാനും എന്റെ സഹോദരി ശ്രീയും എന്നാണ് ഗോപി സുന്ദര് അടിക്കുറിപ്പ് എഴുതിയിരിക്കുന്നത്. ഗോപി സുന്ദറിന്റെ കയ്യില് കുഞ്ഞ് ഗിറ്റാറുമുണ്ട്. നിരവധി ആരാധകരാണ് കമന്റുകളുമായി രംഗത്ത് എത്തിയിരിക്കുന്നത്. അനുഗ്രഹീതമായ നിമിഷം എന്ന് ഒരാള് എഴുതിയിരിക്കുന്നു. കുട്ടിക്കാലം മുതലേ സംഗീതത്തോടുള്ള പാഷൻ ഉണ്ടല്ലേ, അത് ഇവിടെ കാണാം എന്ന് മറ്റൊരാള് എഴുതിയിരിക്കുന്നു.