അപർണ്ണ ബാലമുരളി, കലാഭവൻ ഷാജോൺ എന്നിവർ കേന്ദ്ര കഥാപത്രങ്ങളാകുന്ന ചിത്രത്തിൽ ഹരീഷ് ഉത്തമൻ, സിദ്ധാർത്ഥ് മേനോൻ തുടങ്ങിയവരും അഭിനയിക്കുന്നു...
കൊച്ചി : സുധീഷ് രാമചന്ദ്രൻ സംവിധാനം ചെയ്യുന്ന 'ഇനി ഉത്തരം' എന്ന സിനിമയുടെ പുതിയ പോസ്റ്റർ പുറത്ത്. വിവിധ ഭാവങ്ങളിലുള്ള അപർണ ബാലമുരളിയാണ് പോസ്റ്ററിൽ. മന്ദാഹാസത്തിൽ നിന്ന് വശങ്ങളിലേക്ക് നോക്കിയാൽ രൗദ്ര ഭാവവും ദീന ഭാവവും കാണാം. അപർണ്ണ ബാലമുരളി, കലാഭവൻ ഷാജോൺ എന്നിവർ കേന്ദ്ര കഥാപത്രങ്ങളാകുന്ന ചിത്രത്തിൽ ഹരീഷ് ഉത്തമൻ, സിദ്ധാർത്ഥ് മേനോൻ, സിദ്ദിഖ്, ജാഫർ ഇടുക്കി, ദിനേശ് പ്രഭാകർ, ഷാജു ശ്രീധർ, ജയൻ ചേർത്തല, സജിൻ ഗോപു, ഭാഗ്യരാജ് തുടങ്ങിയവർ അഭിനയിക്കുന്നു. എ ആന്റ് വി എന്റർടെയ്ൻമെന്റ്സിന്റെ ബാനറിൽ വരുൺ, അരുൺ എന്നിവർ ചേർന്ന് നിർമിക്കുന്ന ഈ ചിത്രത്തിന്റെ ഛായാഗ്രഹണം രവിചന്ദ്രനാണ്.
രഞ്ജിത് ഉണ്ണി തിരക്കഥയും സംഭാഷണവും എഴുതുന്നു. വിനായക് ശശികുമാറിന്റെ വരികൾക്ക് ഹിഷാം അബ്ദുൽ വഹാബ് സംഗീതം ഒരുക്കുന്നു. എഡിറ്റർ - ജിതിൻ ഡി കെ ; പ്രൊഡക്ഷൻ കൺട്രോളർ - റിന്നി ദിവാകർ, റിനോഷ് കൈമൾ ; കല-അരുൺ മോഹനൻ ; മേക്കപ്പ് - ജിതേഷ് പൊയ്യ ; വസ്ത്രാലങ്കാരം - ധന്യ ബാലകൃഷ്ണൻ ; സ്റ്റിൽസ് - ജെഫിൻ ബിജോയ് ; പരസ്യകല - ജോസ് ഡോമനിക് ; ചീഫ് അസോസിയേറ്റ് ഡയറക്ടർ - ദീപക് നാരായൺ ; പ്രൊജക്റ്റ് ഡിസൈനർ ആന്റ് മാർക്കറ്റിംങ് - H20 Spell ; പി ആർ ഒ - എ എസ് ദിനേശ് , ആതിര ദിൽജിത്.
അതേസമയം മികച്ച നടിക്കുള്ള ഇത്തവണത്തെ ദേശീയ ചലച്ചിത്ര പുരസ്കാരം അപര്ണ ബാലമുരളിക്ക് ആയിരുന്നു. തമിഴ് ചിത്രം സൂരറൈ പോട്രിലെ അഭിനയത്തിനായിരുന്നു അത്. സൂര്യ നായകനായ ചിത്രത്തില് ബൊമ്മി എന്ന കഥാപാത്രത്തെയാണ് അപര്ണ അവതരിപ്പിച്ചത്. ചിത്രത്തിലെ തന്നെ പ്രകടനത്തിന് സൂര്യയ്ക്കായിരുന്നു മികച്ച നടനുള്ള ദേശീയ പുരസ്കാരം. അതേസമയം പത്മിനി എന്ന ചിത്രവും മലയാളത്തില് അപര്ണയുടേതായി പുറത്തുവരാനുണ്ട്.
Read More : അപര്ണ ബാലമുരളിയുടെ 'ഇനി ഉത്തരം'; ഫസ്റ്റ് ലുക്ക്
