ജയസൂര്യ- വിനായകൻ ചിത്രം ടൈറ്റന്സ് റിലീസ് തിയതി പുറത്തുവിട്ടു. ഒക്ടോബർ 1ന് ചിത്രം തിയറ്ററുകളിൽ എത്തും.പ്രിന്സ് ജോയ് ആണ് ടൈറ്റൻസ് സംവിധാനം ചെയ്യുന്നത്.
ജയസൂര്യ- വിനായകൻ കോമ്പോയിൽ ഒരുങ്ങുന്ന ഏറ്റവും പുതിയ ചിത്രം ടൈറ്റന്ഡസിന്റെ സെക്കൻഡ് ലുക്ക് പുറത്ത്. ഒപ്പം ചിത്രത്തിന്റെ റിലീസ് തിയതിയും പുറത്തുവിട്ടു. ഒക്ടോബർ 1ന് ചിത്രം തിയറ്ററുകളിൽ എത്തും. ജയസൂര്യ, വിനായകൻ, നിഹാൽ, ബേബി ജീൻ, ഇന്ദ്രൻസ് ഉൾപ്പടെയുള്ളവരാണ് പോസ്റ്ററിൽ ഉള്ളത്. പ്രിന്സ് ജോയ് ആണ് ടൈറ്റൻസ് സംവിധാനം ചെയ്യുന്നത്.
എബ്രഹാം ഓസ്ലര് എന്ന ചിത്രത്തിന് ശേഷം മിഥുന് മാനുവല് തോമസ്- ഇര്ഷാദ് എം ഹസന് ടീമിന്റെ നേരമ്പോക്ക് പ്രൊഡക്ഷന്സ് നിര്മ്മിക്കുന്ന ചിത്രമാണ് ടൈറ്റൻസ്. ആട് ഒരു ഭീകര ജീവിയാണ്, ആട് 2 എന്നീ ചിത്രങ്ങള് ജയസൂര്യയെ നായകനാക്കി സംവിധാനം ചെയ്തിട്ടുള്ള മിഥുന് മാനുവല് തോമസ്, അദ്ദേഹത്തെ നായകനാക്കി നിര്മ്മിക്കുന്ന ആദ്യ ചിതം കൂടിയാണിതെന്ന പ്രത്യേകതയുമുണ്ട്.
അനുഗ്രഹീതന് ആന്റണി എന്ന ചിത്രത്തിന് ശേഷം പ്രിന്സ് ജോയ് ഒരുക്കുന്ന ചിത്രമാണിത്. വിനായകന്റെ വളരെയേറെ ശ്രദ്ധയാകര്ഷിക്കുന്ന മറ്റൊരു കഥാപാത്രമായിരിക്കും ചിത്രത്തിലുണ്ടാവുക. ഫാന്റസി കോമഡി ജോണറിലാണ് ചിത്രം ഒരുങ്ങുന്നത്. ജെയിംസ് സെബാസ്റ്റിയന് തിരക്കഥ രചിച്ച ഈ ചിത്രത്തില് ജയസൂര്യയ്ക്കും വിനായകനുമൊപ്പം ബേബി ജീന്, ഇന്ദ്രന്സ്, സുരേഷ് കൃഷ്ണ, മണികണ്ഠന് ആചാരി, നിഹാല് എന്നിവരാണ് മറ്റു പ്രധാന വേഷങ്ങള് ചെയ്യുന്നത്.
Related Articles
ഇന്ന് മുതല് ചിത്രീകരണം ആരംഭിച്ച ഈ സിനിമയുടെ എക്സിക്യുട്ടീവ് പ്രൊഡ്യൂസര് - സുനില് സിങ്, സജിത്ത് പി.വൈ., ഛായാഗ്രഹണം- വിഷ്ണു ശര്മ്മ, എഡിറ്റിംഗ്- ഷമീര് മുഹമ്മദ്, പ്രൊഡക്ഷന് ഡിസൈനര്- അരുണ് വെഞ്ഞാറമൂട്, മ്യൂസിക് - ഷാന് റഹ്മാന്, ആര്ട്ട് ഡയറക്ടര് - മഹേഷ് പിറവം, ലൈന് പ്രൊഡ്യൂസര്- റോബിന് വര്ഗീസ്. വസ്ത്രാലങ്കാരം - സിജി നോബിള് തോമസ്, മേക്കപ്പ് - റോണക്സ് സേവ്യര്, ചീഫ് അസ്സോസിയേറ്റ് ഡയറക്ടേഴ്സ് - രജീഷ് വേലായുധന്, ബേസില് വര്ഗീസ് ജോസ്, പ്രൊഡക്ഷന് കണ്ട്രോളര് - പ്രശാന്ത് നാരായണന്, സംഘട്ടനം - ഫിനിക്സ് പ്രഭു, വിഎഫ്എക്സ് - മൈന്ഡ് സ്റ്റെയിന് സ്റ്റുഡിയോസ്, ഡിസൈന്സ് - യെല്ലോ ടൂത്ത്, പിആര്ഒ- വാഴൂര് ജോസ്, വൈശാഖ് വടക്കേവീട്, ജിനു അനില്കുമാര് എന്നിവരാണ് മറ്റ് അണിയറപ്രവർത്തകർ.
