ഞെട്ടിച്ച് പ്രഭാസിന്റെ കല്ക്കി.
പ്രഭാസിന്റെ കല്ക്കി 2898 എഡി സിനിമയ്ക്ക് വൻ പ്രതികരണമാണ് നിലവിലും ലഭിക്കുന്നത്. ആഗോളതലത്തില് കല്ക്കി ആകെ 1094 കോടി രൂപ നേടി എന്നാണ് റിപ്പോര്ട്ട്. രാജ്യമൊട്ടാകെ കല്ക്കി കുതിക്കുകയാണെന്നും റിപ്പോര്ട്ടുണ്ട്. പ്രഭാസ് നിറഞ്ഞാടുമ്പോള് കല്ക്കി ആഗോള കളക്ഷനില് ഇനിയും നേട്ടമുണ്ടാക്കുമെന്നാണ് റിപ്പോര്ട്ടുകള് സൂചിപ്പിക്കുന്നത്.
കല്ക്കി 2898 എഡി സിനിമയിലെ രഹസ്യങ്ങള് വെളിപ്പെടുത്തരുത് എന്ന് അഭ്യര്ഥിച്ച് രംഗത്ത് എത്തിയിരുന്നു നിര്മാതാക്കള്. സിനിമയെ നമുക്ക് വിലമതിക്കാമെന്ന കുറിപ്പുമായി രംഗത്ത് എത്തുകയായിരുന്നു നിര്മാതാക്കള്. കലാസൃഷ്ടിയില് നമുക്ക് മതിപ്പുണ്ടാകണം. അപ്ഡേറ്റുകളില് സ്പോയിലറുകള് നല്കരുത്. സിനിമാ പ്രേക്ഷകരുടെ കാഴ്ചാനുഭവം നശിപ്പിക്കരുതെന്നും പറയുകയാണ് നിര്മാതാക്കള്. സിനിമയുടെ ഉള്ളടക്കം നമുക്ക് പുറത്തുവിടാതിരിക്കാം. സിനിമയുടെ വിജയം നമുക്ക് ഒന്നിച്ച് ആഘോഷിക്കാം എന്നും നിര്മാതാക്കള് കുറിപ്പില് വ്യക്തമാക്കുന്നു.
അമിതാഭ് ബച്ചനും കമല്ഹാസനും പുറമേ ചിത്രത്തില് ദീപിക പദുക്കോണും പ്രധാന വേഷത്തിലെത്തുന്നു. അതിനാല് രാജ്യമൊട്ടാകെ ചര്ച്ചയാകാൻ പ്രഭാസ് ചിത്രത്തിന് സാധിച്ചിരുന്നു എന്നാണ് റിപ്പോര്ട്ടുകള് ചൂണ്ടിക്കാട്ടുന്നത്. ഇതിഹാസ കാവ്യമായ മഹാഭാരത കാലത്ത് തുടങ്ങുന്നതായിരിക്കും കല്ക്കി 2898 എഡിയുടെ പ്രമേയമെന്ന് സംവിധായകൻ നാഗ് അശ്വിൻ വ്യക്തമാക്കിയിരുന്നു. അവസാനിക്കുന്നത് 2898 എഡിയിലുമായിരിക്കുമെന്നും വ്യക്തമാക്കിയിരുന്നു സംവിധായകൻ നാഗ് അശ്വിൻ.
ദേശീയതലത്തില് അംഗീകരിക്കപ്പെട്ട പ്രശസ്ത തെലുങ്ക് സംവിധായകൻ നാഗ് അശ്വിന്റേതാണ് പ്രഭാസ് നായകനായ ചിത്രം കല്ക്കി 2898 എഡി. ദീപിക പദുക്കോണ് നായികയാകുമ്പോള് പ്രഭാസ് ചിത്രത്തില് കമല്ഹാസനൊപ്പം മറ്റ് പ്രധാനപ്പെട്ട ഒരു കഥാപാത്രമായി അമിതാഭ് ബച്ചനും ഉണ്ടായത് ആവേശത്തിലാക്കിയിരുന്നു. ദുല്ഖറും എസ് എസ് രാജമൗലിക്കുമൊപ്പം ചിത്രത്തില് അന്നാ ബെന്നുമുണ്ടായിരുന്നു. സംവിധായകൻ നാഗ് അശ്വിൻ തിരക്കഥാകൃത്തുമായ ചിത്രത്തിന്റെ പിആര്ഒ ശബരിയാണ്.
