Asianet News MalayalamAsianet News Malayalam

'ക്ഷമിക്കണം, കോമ്പോസിഷന്‍ കേള്‍ക്കണമെന്ന് പറഞ്ഞത്..'; 'ശിക്കാര്‍' റെക്കോര്‍ഡിംഗ് വേളയിലെ എസ്‍പിബി അനുഭവം

'അടുത്ത ദിവസം അദ്ദേഹം കൃത്യ സമയത്തു തന്നെ സ്റ്റുഡിയോയിൽ എത്തി. സ്വയം കുനിഞ്ഞു തന്റെ ചെരുപ്പുകൾ കൈകൊണ്ടെടുത്തു shoe rackലെ ഇടത്തിൽ കൃത്യമായി വച്ചു. എന്നിട്ടു എന്റെ തോളിൽ തട്ടീട്ടു പറഞ്ഞു..'

m jayachandran about his spb experience
Author
thiruvananthapuram, First Published Sep 26, 2020, 4:34 PM IST
  • Facebook
  • Twitter
  • Whatsapp

16 ഭാഷകളിലായി 40,000ല്‍ അധികം ഗാനങ്ങള്‍ ആലപിച്ചപ്പോഴും പുതിയ അവസരങ്ങളെ ഒരു തുടക്കക്കാരന്‍റെ ശ്രദ്ധയോടെ പരിഗണിക്കുന്ന ഗായകനായിരുന്നു അന്തരിച്ച എസ്‍ പി ബാലസുബ്രഹ്മണ്യം. മഹാനായ ഗായകന്‍ എന്നതിനൊപ്പം നേട്ടങ്ങളുടെ വഴിയില്‍ വിനയം കൈവിടാതിരുന്ന മനുഷ്യന്‍ കൂടിയായിരുന്നു അദ്ദേഹം. അദ്ദേഹത്തോടൊപ്പമുള്ള പ്രവര്‍ത്തനാനുഭവം മരണശേഷം പലരും വികാരപൂര്‍വ്വം പങ്കുവച്ചിരുന്നു. എസ്‍പിബിയുമായി തനിക്കുള്ള ഒരു വര്‍ക്കിംഗ് എക്സ്പീരിയന്‍സ് പങ്കുവെക്കുകയാണ് സംഗീതസംവിധായകന്‍ എം ജയചന്ദ്രന്‍. എം പത്മകുമാറിന്‍റെ സംവിധാനത്തില്‍ മോഹന്‍ലാല്‍ നായകനായ ശിക്കാറിലെ തെലുങ്ക് പാട്ട് പാടാനാണ് എസ്‍പിബിയെ സമീപിച്ചതെന്നും പിന്നീടുണ്ടായ അനുഭവവും അദ്ദേഹം പറയുന്നു.

എം ജയചന്ദ്രന്‍റെ എസ്‍പിബി അനുഭവം

ശിക്കാർ എന്ന സിനിമയിലെ 'പ്രതിഘടിന്സു' എന്ന തെലുഗു ഗാനം spb സർ പാടണം എന്നു ഞാൻ ആഗ്രഹിച്ചു. എന്റെ orchestra manager വിൻസെന്റ് ചേട്ടൻ അദ്ദേഹത്തിന്റെ assistant നോട് സംസാരിച്ചു. പാട്ടു റെക്കോർഡ് ചെയ്യാൻ ചെന്നൈയിലെ മ്യൂസിക് ലോഞ്ച് സ്റ്റുഡിയോയിൽ രണ്ടു ദിവസത്തിനകത്തു spb സർ എത്തും എന്നു ഉറപ്പു കിട്ടി. ആദ്യമായ് അദ്ദേഹത്തിന്റെ കൂടെ work ചെയ്യുന്നതിന്റെ ത്രില്ലിലായിരുന്നു ഞാൻ. അടുത്ത ദിവസമായപ്പോൾ വിൻസെന്റ് ചേട്ടൻ എന്നെ വിളിച്ചിട്ടു പറഞ്ഞു -"കുട്ടാ ,spb സാറിന് പാട്ട് കേൾക്കണം, ഉടൻ അത് അയച്ചു കൊടുക്കണം" എന്തിനാണ് അദ്ദേഹം എന്റെ പാട്ട് evaluate ചെയ്യുന്നത് എന്ന തോന്നൽ വല്ലാതെ മനസ്സിനെ അസ്വസ്ഥമാക്കികൊണ്ടേയിരുന്നു. ഇദ്ദേഹത്തെ പാടാൻ വിളിക്കേണ്ടായിരുന്നു എന്നൊക്കെ ചിന്തിച്ചു അനാവശ്യമായ ego എന്നിൽ പടർന്നു കയറി .

അടുത്ത ദിവസം അദ്ദേഹം കൃത്യ സമയത്തു തന്നെ സ്റ്റുഡിയോയിൽ എത്തി. സ്വയം കുനിഞ്ഞു തന്റെ ചെരുപ്പുകൾ കൈകൊണ്ടെടുത്തു shoe rackലെ ഇടത്തിൽ കൃത്യമായി വച്ചു. എന്നിട്ടു എന്റെ തോളിൽ തട്ടീട്ടു പറഞ്ഞു “It’s a very nice song and i loved the orchestration”. സ്റ്റുഡിയോയുടെ അകത്തേക്ക് കടന്നപ്പോഴേക്കും അദ്ദേഹം പറഞ്ഞു -"ക്ഷമിക്കണം, ഞാൻ ഇന്നലെ പാട്ടൊന്നു കേൾക്കണം എന്നു പറഞ്ഞിരുന്നു. അതിന്റെ കാരണം എനിക്ക് താങ്കളുടെ കോമ്പോസിഷനോട് നീതി പുലർത്താൻ സാധിക്കുമോ എന്നറിയാനാണ്. spb എന്ന ഗായകന് ഒരുപാട് ലിമിറ്റേഷൻസ് ഉണ്ട് . So I didnt want your composition to suffer due to my limitations. പാട്ട് കേട്ടപ്പോൾ സമാധാനമായി. എനിക്കു നന്നായി പാടാൻ പറ്റും എന്നു കരുതുന്നു. ഇന്നലെ അർദ്ധരാത്രി വരെ concert ഉണ്ടായിരുന്നു. വീട്ടിലെത്തിയ ശേഷം പാട്ട് ശ്രദ്ധാപൂർവം പഠിച്ചു. So I feel i am thorough with the song & will not take much of your precious time”.
ഇതു കേട്ടപ്പോഴേക്കും, അദ്ദേഹത്തിന്റെ മുന്നിൽ ഞാൻ വെറുമൊരു zero ആണെന്ന് എനിക്ക് മനസ്സിലായി. എന്റെ തെറ്റ് ഏറ്റുപറഞ്ഞു ആ കാൽക്കൽ വീണു നമസ്കരിച്ചു. ഒരു സംഗീതജ്ഞന് ഒരിക്കലും ego പാടില്ല എന്നു അദ്ദേഹം എന്നെ പഠിപ്പിച്ചു .

ഒരു പത്രപ്രവർത്തകൻ spb സാറിനോട് ചോദിച്ചു - "താങ്കൾ നാല്പത്തിനായിരത്തിൽ പരം പാട്ടുകൾ പല ഭാഷകളിൽ പാടിയിട്ടുണ്ടല്ലോ, അത് ഒരു മഹാത്ഭുതമല്ലേ ?" അദ്ദേഹം ഉത്തരം നൽകി -"ഞാൻ ഒരൊറ്റ ഭാഷയിലേ പാടിയിട്ടുള്ളു & that language is music”. spb സർ !! അങ്ങയുടെ പാട്ടുകൾ ഞങ്ങളുടെ ഹൃദയങ്ങൾ ഏറ്റു പാടിക്കൊണ്ടേയിരിക്കും... അങ്ങേയ്ക്ക് മരണമില്ല...

Follow Us:
Download App:
  • android
  • ios