ആമസോണ് പ്രൈമിലൂടെ ഓണം റിലീസ് ആയി ഈ മാസം 19നാണ് ചിത്രം പ്രേക്ഷകരിലേക്കെത്തിയത്.
ഏതാനും ദിവസങ്ങൾക്ക് മുമ്പാണ് ഇന്ദ്രൻസ് കേന്ദ്രകഥാപാത്രത്തെ അവതരിപ്പിച്ച ഹോം എന്ന ചിത്രം പുറത്തിറങ്ങിയത്. മികച്ച പ്രതികരണങ്ങളുമായി ചിത്രത്തിന്റെ സ്ട്രീമിംഗ് തുടർന്ന് കൊണ്ടിരിക്കയാണ്. ഹോമിലെ ഇന്ദ്രന്സ് ചെയ്ത കഥാപാത്രമായ ഒലിവര് ട്വിസ്റ്റിനെയാണ് ഇപ്പോള് മലയാളികള് നെഞ്ചിലേറ്റിയിരിക്കുന്നത്. ചിത്രത്തിലെ മറ്റ് കഥാപാത്രങ്ങളും പ്രേക്ഷകരുടെ മനസ്സിൽ ഇടം നേടി. ഇപ്പോഴിതാ റോജിൻ തോമസ് സംവിധാനം ചെയ്ത ചിത്രത്തിലെ മേക്കിംഗ് വീഡിയോ പുറത്തുവിട്ടിരിക്കുകയാണ് അണിയറ പ്രവർത്തകർ.
ഫ്രൈഡെ ഫിലിം ഹൗസിന്റെ ബാനറില് വിജയ് ബാബുവാണ് ചിത്രം നിര്മ്മിക്കുന്നത്. ശ്രീനാഥ് ഭാസി, മഞ്ജു പിള്ള, നസ്ലിന്, വിജയ് ബാബു, ജോണി ആന്റണി, മണിയന്പിള്ള രാജു, ശ്രീകാന്ത് മുരളി, കെപിഎസി ലളിത, അജു വര്ഗ്ഗീസ്, പ്രിയങ്ക നായര്, മിനോണ് എന്നിവരാണ് ചിത്രത്തിലെ മറ്റ് കഥാപാത്രങ്ങള്.
ആമസോണ് പ്രൈമിലൂടെ ഓണം റിലീസ് ആയി ഈ മാസം 19നാണ് ചിത്രം പ്രേക്ഷകരിലേക്കെത്തിയത്. റിലീസ് ആയി ദിവസങ്ങൾ കഴിയുമ്പോഴും സോഷ്യല് മീഡിയയില് ചിത്രം ഉയര്ത്തിയ ചര്ച്ചകള് അവസാനിച്ചിട്ടില്ല. തെന്നിന്ത്യൻ സംവിധായകൻ എ ആർ മരുഗദോസ് അടക്കമുള്ള പ്രമുഖർ സിനിമയെ പ്രശംസിച്ച് കൊണ്ട് രംഗത്തത്തിയിരുന്നു.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona
