മമ്മൂക്കയ്ക്ക് ഒരു മുഖ്യമന്ത്രിയാകാൻ അവസരം കിട്ടിയാൽ റൈറ്റ് ടു റീ കോൾ കൊണ്ടുവരുമോ എന്ന ചോദ്യത്തിന് എനിക്കങ്ങനെയൊരു അവസരം കിട്ടുകയേയില്ല, മുഖ്യമന്ത്രിയാകാൻ ആഗ്രഹിക്കുന്നേയില്ലെന്നും മമ്മൂട്ടി പറഞ്ഞു.
കേരള മുഖ്യമന്ത്രി കടക്കല് ചന്ദ്രന് എന്ന കഥാപാത്രമായി മമ്മൂട്ടി എത്തിയ വണ് എന്ന ചിത്രം വെള്ളിയാഴ്ചയാണ് തിയറ്ററുകളിലെത്തിയത്. മികച്ച പ്രതികരണങ്ങൾ നേടി കടക്കല് ചന്ദ്രന് തിയറ്റര് ഭരണം തുടരുകയാണ്. സിനിമയുടെ റിലീസിന് ശേഷം റൈറ്റ് ടു റീകാൾ എന്ന ഹാഷ്ടാഗ് സോഷ്യൽ മീഡിയയിൽ ട്രെൻഡിങ് ആയിരുന്നു. ഇപ്പോഴിതാ വ്യക്തിപരമായി ഈ ആശയത്തെ പിന്തുണയ്ക്കുന്നയാളാണോ എന്ന മാധ്യമപ്രവർത്തകരുടെ ചോദ്യത്തിന് മറുപടി നൽകിയിരിക്കുകയാണ് മമ്മൂട്ടി.
'എനിക്ക് നിങ്ങളെയൊക്കെ പോലെ ഒരു രാഷ്ട്രീയ നിലപാട് ഉണ്ടെന്നല്ലാതെ ഞാൻ രാഷ്ട്രീയ പ്രവർത്തകനോ, രാഷ്ട്രീയമായി എന്തെങ്കിലും പ്രവൃത്തി ചെയ്യണമെന്നോ ആഗ്രഹിക്കുന്ന ആളല്ല. ഇതൊക്കെ വന്നാൽ കൊള്ളാമെന്നുള്ള ആഗ്രഹമുള്ളയാള് തന്നെയാണ്' മമ്മൂട്ടി പറഞ്ഞു.
മമ്മൂക്കയ്ക്ക് ഒരു മുഖ്യമന്ത്രിയാകാൻ അവസരം കിട്ടിയാൽ റൈറ്റ് ടു റീ കോൾ കൊണ്ടുവരുമോ എന്ന ചോദ്യത്തിന് എനിക്കങ്ങനെയൊരു അവസരം കിട്ടുകയേയില്ല, മുഖ്യമന്ത്രിയാകാൻ ആഗ്രഹിക്കുന്നേയില്ലെന്നും മമ്മൂട്ടി പറഞ്ഞു.
