'ചാമ്പിക്കോ' സ്റ്റൈലില് ഫോട്ടോയ്ക്ക് ശ്രമിച്ച നിര്മല് പാലാഴിക്ക് പറ്റിയ അബദ്ധം (Bheeshma Parvam).
മമ്മൂട്ടി നായകനായി ഏറ്റവും ഒടുവില് എത്തിയത് 'ഭീഷ്മ പര്വ'മാണ്. അമല് നീരദാണ് ചിത്രം സംവിധാനം ചെയ്തത്. മികച്ച പ്രതികരണമാണ് ചിത്രത്തിന് തിയറ്ററുകളില് നിന്ന് ലഭിക്കുന്നത്. 'ഭീഷ്മ പര്വം' എന്ന ചിത്രത്തിലെ ട്രെൻഡായ രംഗത്തെ അനുകരിക്കാൻ നോക്കിയപ്പോള് പറ്റിയ അബന്ധത്തിന്റെ വീഡിയോ പങ്കുവെച്ചിരിക്കുകയാണ് നടൻ നിര്മല് പാലാഴി (Bheeshma Parvam).
'ഭീഷ്മ പര്വം' എന്ന ചിത്രത്തിലെ ഗ്രൂപ്പ് ഫോട്ടോ എടുക്കുന്ന രംഗമാണ് ചര്ച്ചയായത്. 'ചാമ്പിക്കോ' എന്ന ഡയലോഗും വൻ ഹിറ്റായി. ഒട്ടേറെ പേരാണ് ആ രംഗം അനുകരിക്കുന്നത്. നിര്മല് പാലാഴിയും അത് അനുകരിക്കാൻ നോക്കി. ഒരു കാലിന്റെ മുകളില് കാലെടുത്ത് വയ്ക്കാൻ നോക്കിയ നിര്മലിന് അതിന് കഴിയുന്നില്ല. ഒപ്പം ഫോട്ടോയ്ക്ക് പോസ് ചെയ്യുന്നവര് സഹായിക്കാൻ നോക്കുന്നു. കാല് എടുത്ത് വച്ച് നിര്മലിന് അവിടെ നിന്ന് എഴുന്നേല്ക്കാനും പറ്റാത്ത രംഗമാണ് വീഡിയോയിലുള്ളത്.
അമല് നീരദ് തന്നെയാണ് ചിത്രം നിര്മിച്ചത്. അമല് നീരദ് പ്രൊഡക്ഷൻസിന്റെ ബാനറിലാണ് നിര്മാണം. എ ആൻഡ് എയാണ് ചിത്രത്തിന്റെ വിതരണം. വിവേക് ഹര്ഷൻ ആണ് ചിത്രത്തിന്റെ ചിത്രസംയോജനം.
വളരെ വേഗം തന്നെ ചിത്രം 75 കോടി ക്ലബില് ഇടം നേടിയ 'ഭീഷ്മ പര്വം' സൗദി അറേബ്യയില് ഏറ്റവും അധികം കളക്ഷൻ സ്വന്തമാക്കുന്ന ഇന്ത്യൻ സിനിമയായിരുന്നു 'ഭീഷ്മ പര്വം' ചിത്രത്തിന്റെ ജിസിസി വിതരണം സ്വന്തമാക്കിയ ട്രൂത്ത് ഗ്ലോബല് ഫിലിംസാണ് ഇക്കാര്യം പുറത്തുവിട്ടത്. മമ്മൂട്ടിയും അമല് നീരദും ഒന്നിക്കുമ്പോഴുള്ള പ്രതീക്ഷകള് നിറവേറ്റുന്നതായിരുന്നു 'ഭീഷ്മ പര്വം'. സമീപകാലത്ത് മമ്മൂട്ടി ചിത്രത്തിന് ലഭിച്ച ഏറ്റവും വലിയ സ്വീകാര്യതയുമാണ് ഇത്.
ഫര്ഹാന് ഫാസില്, ഷൈന് ടോം ചാക്കോ, ദിലീഷ് പോത്തന്, അബു സലിം, പദ്മരാജ് രതീഷ്, ഷെബിന് ബെന്സണ്, ലെന, സ്രിദ്ധ, ജിനു ജോസഫ്, വീണ നന്ദകുമാര്, ഹരീഷ് പേരടി, അനസൂയ ഭരദ്വാജ്, മാല പാര്വ്വതി തുടങ്ങി വലിയ താരനിരയാണ് ചിത്രത്തില് അണിനിരന്നത്.
അമല് നീരദും ദേവദത്ത് ഷാജിയും ചേര്ന്നാണ് 'ഭീഷ്മ പര്വ'ത്തിന്റെ തിരക്കഥ എഴുതിയിരിക്കുന്നത്. ആനന്ദ് സി ചന്ദ്രനാണ് ചിത്രത്തിന്റെ ഛായാഗ്രാഹണം നിര്വഹിച്ചത്. സുഷിൻ ശ്യാം ആണ് ചിത്രത്തിന്റെ സംഗീത സംവിധാനം നിര്വഹിച്ചത്.
സ്റ്റൈലിഷായ മമ്മൂട്ടിയെ ചിത്രത്തിലൂടെ വീണ്ടും കാണാനാകുന്നുവെന്നായിരുന്നു 'ഭീഷ്മ പര്വ'ത്തെ കുറിച്ചുള്ള അഭിപ്രായങ്ങള്. ആക്ഷനിലും സംഭാഷണങ്ങളിലും' ഭീഷ്മ പര്വ'ത്തില് മമ്മൂട്ടി വലിയ മികവ് കാട്ടി. സംവിധായകൻ അമല് നീരദിന്റെ സ്റ്റൈലിഷ് മെയ്ക്കിംഗ് തന്നെയാണ് 'ഭീഷ്മ പര്വ'ത്തിന്റെ പ്രധാന ആകര്ഷണം. ക്രൈം ഡ്രാമയായിട്ടാണ് ചിത്രം എത്തിയതെങ്കിലും വൈകാരികാംശങ്ങളുള്ള കുടുംബ കഥയും ചിത്രത്തില് ഇഴചേര്ന്ന് നില്ക്കുന്നു.
Read More : കാജല് അഗര്വാളിന് ആണ്കുഞ്ഞ്, പേര് പുറത്തുവിട്ട് ഗൗതം കിച്ലു
ക്രൈം ത്രില്ലര് വിഭാഗത്തിലുള്ള ചിത്രമായ 'പുഴു'വെന്ന ചിത്രമാണ് മമ്മൂട്ടിയുടേതായി ഇനി വൈകാതെ റിലീസ് ചെയ്യാനുള്ളത്. സെന്സറിംഗ് നടപടികള് ഇതിനകം പൂര്ത്തിയാക്കിയ ചിത്രത്തിന് കട്ടുകളൊന്നുമില്ലാത്ത യു സര്ട്ടിഫിക്കറ്റ് ആണ് ലഭിച്ചിരിക്കുന്നത്. വേറിട്ട ഒരു കഥാപാത്രമാണ് 'പുഴു'വില് മമ്മൂട്ടിയുടേത്. 'ഹര്ഷദിന്റെ കഥയ്ക്ക് ഹര്ഷദിനൊപ്പം ഷര്ഫുവും സുഹാസും ചേര്ന്നാണ് തിരക്കഥ ഒരുക്കിയിരിക്കുന്നത്. മമ്മൂട്ടിക്കൊപ്പം പാര്വ്വതി തിരുവോത്ത് ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നു എന്നതും ശ്രദ്ധേയമാണ്. നെടുമുടി വേണു, ഇന്ദ്രന്സ്, ആത്മീയ രാജന്, മാളവിക മേനോന്, വാസുദേവ് സജീഷ് മാരാര് തുടങ്ങിയവരാണ് മറ്റു കഥാപാത്രങ്ങളെ അവതരിപ്പിക്കുന്നത്. സിന് സില് സെല്ലുലോയ്ഡിന്റെ ബാനറില് എസ് ജോര്ജ് ആണ് നിര്മ്മാണം. തേനി ഈശ്വര് ആണ് ചിത്രത്തിന്റെ ഛായാഗ്രഹണം. ലിജോ പെല്ലിശ്ശേരിയുടെ മമ്മൂട്ടി ചിത്രം 'നന്പകല് നേരത്ത് മയക്ക'ത്തിന്റെ ഛായാഗ്രഹണവും നിര്വഹിച്ചത് തേനി ഈശ്വര് ആയിരുന്നു.
