തല പോകാന് നില്ക്കുമ്പോള് കയ്യിന്റെയും വിരലിന്റെയും കാര്യം ആലോചിച്ചു ഭയന്നിട്ടു കാര്യമില്ല: മാമുക്കോയ- വീഡിയോ
പൗരത്വ ഭേദഗതി നിയമത്തില് പ്രതികരണവുമായി നടൻ മാമുക്കോയ.
പൗരത്വ ഭേദഗതി നിയമത്തിനെതിരായി രാജ്യമെങ്ങും പ്രതിഷേധം നടക്കുകയാണ്. സിനിമ താരങ്ങളും വിഷയത്തില് അഭിപ്രായവുമായി രംഗത്ത് എത്തി. ഹിന്ദിയില് നിന്നും മലയാളത്തില് നിന്നുമൊക്കെ താരങ്ങള് രൂക്ഷമായ വിമര്ശനവുമായി രംഗത്ത് എത്തിയിരുന്നു. തലപോകാന് നില്ക്കുമ്പോള് കയ്യിന്റെയും വിരലിന്റെയും കാര്യം ആലോചിച്ചു ഭയന്നിട്ടു കാര്യമില്ലെന്നാണ് നടൻ മാമുക്കോയ പറയുന്നത്. കോഴിക്കോട് നഗരത്തില് സാംസ്ക്കാരിക പ്രവര്ത്തകരുടെ നേതൃത്വത്തില് നടന്ന പ്രതിഷേധ സംഗമത്തില് സംസാരിക്കുകയായിരുന്നു മാമുക്കോയ."
ഒരു പേപ്പട്ടി കടിക്കാന് വന്നാല് എന്ത് ചെയ്യുമെന്ന നമ്മള് യോഗം കൂടി തീരുമാനിക്കാറില്ല, എന്താണോ വേണ്ടതെന്ന് അത് തന്നെ മനുഷ്യൻമാര് ചെയ്യും. 20 കോടി ജനങ്ങളെ നിങ്ങള്ക്ക് ഒരു ചുക്കും ചെയ്യാന് സാധിക്കില്ല. ഇന്ത്യയിലെ റോഡുകളുടെയും സ്ട്രീറ്റുകളുടെയും പേരുമാറ്റിയാണ് ഇവര് തുടങ്ങിയത്. എന്റെ ബാപ്പയുടെ ബാപ്പയുടെ കാലം മുതല് ഞങ്ങളിവിടെ ജീവിക്കുന്നുണ്ട്. ഇനിയും ഇവിടെ തന്നെ തുടരും. സ്ഥലം ഒരുത്തന്റേയും കുത്തകയല്ല. തലപോകാന് നില്ക്കുമ്പോള് കയ്യിന്റെയും വിരലിന്റെയും കാര്യം ആലോചിച്ചു ഭയന്നിട്ടു കാര്യമില്ല. പോരാടുക തന്നെ ചെയ്യും- മാമുക്കോയ പറഞ്ഞു.