വ്യാജ റിപ്പോര്ട്ടാണ് പ്രചരിക്കുന്നതെന്ന് നിര്മാതാക്കള്.
പ്രഭാസ് നായകനായി ഇനി വരാനിരിക്കുന്ന ചിത്രം രാജാ സാബാണ്. ചിത്രീകരണം ഏകദേശം അമ്പതം ശതമാനമായിട്ടുണ്ട്. രാജാ സാബിന്റെ പുതിയ ഷെഡ്യൂള് തുടങ്ങാനുള്ള തയ്യാറെടുപ്പുമാണ്. അതിനിടയില് പ്രഭാസിന്റെ രാജാ സാബിനെ കുറിച്ച് പ്രചരിക്കുന്ന റിപ്പോര്ട്ട് നിഷേധിച്ച് എത്തിയിരിക്കുകയാണ് സംവിധായകൻ മാരുതിയുടെ ചിത്രത്തിന്റെ നിര്മാതാക്കള്.
പഴയ ഒരു ഹിറ്റ് ഹിന്ദി ചിത്രത്തിലെ ഗാനം രാജാ സാബില് ഉപയോഗിക്കുമെന്നായിരുന്നു റിപ്പോര്ട്ട്. അമിതാഭ് ബച്ചന്റെ ഡോണ് എന്ന ചിത്രത്തിലെ ഗാനം റീമിക്സ് ചെയ്യുമെന്നായിരുന്നു റിപ്പോര്ട്ടുകള്. തെലുങ്കിലെ പ്രേക്ഷകര്ക്ക് അനുയോജ്യമായി ബച്ചൻ ചിത്രത്തിലെ ഗാനം ഉപയോഗിക്കുമെന്ന് റിപ്പോര്ട്ടുകള് പ്രചരിച്ചിരുന്നത് വ്യാജമാണ് എന്നാണ് തെളിഞ്ഞിരിക്കുന്നതായിട്ടാണ് അപ്ഡേറ്റ്. ഗാനത്തിന്റെ റീമിക്സ് റൈറ്റ്സില്ലെന്ന് പ്രഭാസ് ചിത്രത്തിന്റെ നിര്മാതാക്കള് വ്യക്തമാക്കിയിരിക്കുകയാണ്.
പ്രഭാസിന്റെ കല്ക്കി 2898 എഡി സിനിമ വൻ വിജയമായിരിക്കുകയാണ് എന്നാണ് ആഗോളതലത്തിലെ കളക്ഷൻ കണക്കുകള്. തെലുങ്കില് മാത്രമല്ല രാജ്യമൊട്ടാകെ പ്രഭാസ് ചിത്രത്തിന് വലിയ സ്വീകാര്യതയാണ് എന്നും റിപ്പോര്ട്ടുണ്ട്. ആഗോളതലത്തില് പ്രഭാസിന്റെ കല്ക്കി 1000 കോടി ക്ലബിലെത്തിയിട്ടുമുണ്ട് എന്നാണ് റിപ്പോര്ട്ടുകള് സൂചിപ്പിക്കുന്നത്. പ്രഭാസ് നിറഞ്ഞാടുമ്പോള് കല്ക്കി ഇനിയും കളക്ഷൻ റെക്കോര്ഡുകള് തിരുത്തി കുതിക്കുമെന്നാണ് പ്രതീക്ഷ.
ദേശീയതലത്തില് അംഗീകാരം നേടിയ തെലുങ്ക് സംവിധായകൻ നാഗ് അശ്വിന്റേതാണ് പ്രഭാസ് നായകനായ ചിത്രം കല്ക്കി 2898 എഡി. ദീപിക പദുക്കോണ് നായികയാകുമ്പോള് പ്രഭാസ് ചിത്രത്തില് ഉലകനായകൻ കമല്ഹാസനൊപ്പം അമിതാഭ് ബച്ചനും കഥാപാത്രങ്ങളായി എത്തുന്നു. ഇതിഹാസ കാവ്യമായ മഹാഭാരത കാലത്ത് തുടങ്ങുന്നതായിരിക്കും കല്ക്കി 2898 എഡിയുടെ പ്രമേയമെന്ന് സംവിധായകൻ നാഗ് അശ്വിൻ വ്യക്തമാക്കിയിരുന്നു. അവസാനിക്കുന്നത് 2898 എഡിയിലുമായിരിക്കുമെന്നും വ്യക്തമാക്കിയിരുന്നു സംവിധായകൻ നാഗ് അശ്വിൻ എന്നത് ശ്രദ്ധയാകര്ഷിച്ചിരുന്നു.
