മേഘ്ന രാജ് നായികയാകുന്ന ചിത്രം പ്രഖ്യാപിച്ചു.
മലയാളത്തിന്റെ പ്രിയപ്പെട്ട താരമാണ് മേഘ്ന രാജും (Meghna Raj). അന്യഭാഷക്കാരിയായ നടി ആണെങ്കിലും മലയാളികള്ക്ക് മേഘ്ന രാജിനോട് സ്വന്തം വീട്ടിലെ ആളെന്ന പോലെ ഇഷ്മുണ്ട്. മേഘ്ന രാജിന്റെ വിശേഷങ്ങള് ഓണ്ലൈനില് തരംഗമാകുകയും ചെയ്യാറുണ്ട്. മേഘ്ന രാജ് നായികയാകുന്ന ചിത്രത്തെ കുറിച്ചുള്ളതാണ് പുതിയ റിപ്പോര്ട്.
'ശബ്ദ' (Shabda) എന്ന ചിത്രത്തിലാണ് മേഘ്ന രാജ് ഇനി അഭിനയിക്കുക. കന്തരാജ് കണല്ലിയാണ് ചിത്രം സംവിധാനം ചെയ്യുന്നത്. മേഘ്നയ്ക്ക് പ്രതീക്ഷയുള്ള ഒരു ചിത്രമാണ് ഇത്. മേഘ്ന രാജിന് കര്ണാടക സംസ്ഥാന അവാര്ഡ് ലഭിച്ച 'ഇരുവുഡെല്ലവ ബിട്ടു' എന്ന ചിത്രത്തിന് സംവിധായകനാണ് കന്തരാജ് കണല്ലി.
മേഘ്ന രാജ് തന്നെയാണ് പുതിയ ചിത്രം പ്രഖ്യാപിച്ചത്. എന്റെ പുതിയ ചിത്രമായ 'ശബ്ദ' പ്രഖ്യാപിക്കുന്നു. ഇതേ ടീമിനൊപ്പമുള്ള സിനിമയായ 'ഇരുവുഡെല്ലവ ബിട്ടു എന്നെ സംസ്ഥാന അവാര്ഡിന് അര്ഹയാക്കിയിരിക്കുന്നു. രണ്ടാം തവണയും താൻ കന്തരാജ് കണ്ണല്ലിയുടെ ഒപ്പം പ്രവര്ത്തിക്കുകയാണ്. കൂടുതല് വിവരങ്ങള് ഉടൻ അറിയിക്കാമെന്നും എല്ലാവര്ക്കും നന്ദി പറയുന്നതായും മേഘ്ന രാജ് എഴുതിയിരിക്കുന്നു.
'യക്ഷിയും ഞാനു'മെന്ന ചിത്രത്തിലൂടെയായിരുന്നു മേഘ്ന രാജ് മലയാളത്തില് എത്തിയത്. 'ബ്യൂട്ടിഫുള്' എന്ന ചിത്രത്തിലെ അഭിനയം മേഘ്നയ്ക്ക് മലയാളത്തില് വഴിത്തിരിവായി. മോഹൻലാല് നായകനായ ചിത്രം 'റെഡ് വൈനി'ല് ഉള്പ്പടെ തുടര്ച്ചയായി മലയാളത്തില് അഭിനയിച്ചു. 'സീബ്രാ വര'കളെന്ന ചിത്രത്തിലാണ് മലയാളത്തില് ഏറ്റവും ഒടുവില് അഭിനയിച്ചത്.
'ബെണ്ഡു അപ്പാരൊ ആര്.എം.പി' എന്ന തെലുങ്ക് ചിത്രത്തിലൂടെയാണ് മേഘ്ന രാജ് വെള്ളിത്തിരയിലെത്തുന്നത്. 'ഉയര്തിരു 420' എന്ന ചിത്രത്തിലൂടെ തമിഴകത്തുമെത്തി മേഘ്ന രാജ്. 'കുരുക്ഷേത്ര' എന്ന സിനിമയാണ് മേഘ്ന രാജിന്റേതായി ഏറ്റവും ഒടുവില് റിലീസ് ചെയ്തത്. മലയാളത്തില് '100 ഡിഗ്രി സെല്ഷ്യല്സ്' എന്ന ചിത്രത്തിനായി പാടിയിട്ടുമുണ്ട് മേഘ്ന രാജ്.
മേഘ്ന രാജ് ഗര്ഭിണിയായിരുന്നപ്പോഴാണ് ഭര്ത്താവും നടനുമായ ചിരഞ്ജീവി സര്ജ അകാലത്തില് മരിച്ചത്. മകനെ കാണാതെ മരിച്ച ചിരഞ്ജീവി സര്ജയുടെ പുനര് ജന്മമായി റയാനെ കാണുന്നവരാണ് അദ്ദേഹത്തിന്റെ ആരാധകര്. മകൻ റയാന്റെ വിശേഷങ്ങള് മേഘ്ന രാജ് പങ്കുവയ്ക്കാറുണ്ട്. മകനെ നല്ല രീതിയില് വളര്ത്തുമെന്നും ചിരഞ്ജീവി സര്ജയ്ക്ക് അഭിമാനമാകുമെന്നുമാണ് മേഘ്ന രാജ് പറഞ്ഞിരുന്നത്.
Read More : 'സ്നേഹം, ജീവിതം... ക്രിസ്മസ്', മകൻ റയാനുമൊപ്പമുള്ള ഫോട്ടോ പങ്കുവെച്ച് മേഘ്ന രാജ്
ചിരഞ്ജീവി സര്ജ തനിക്ക് എത്രത്തോളം പ്രിയപ്പെട്ടവനായിരുന്നുവെന്ന് വ്യക്തമാക്കി മേഘ്ന രാജ് സാമൂഹ്യമാധ്യമത്തില് കുറിപ്പുകള് പങ്കുവയ്ക്കാറുണ്ട്. നീ എന്നെ വല്ലാതെ സ്നേഹിച്ചിരുന്നു. നിനക്ക് എന്നെ ഒറ്റയ്ക്കാക്കി പോകാനാകില്ല. പോകാനുകുമോ?. നമ്മുടെ കുഞഞ്, നീ എനിക്ക് തന്ന വിലമതിക്കാനാകാത്ത സമ്മാനം നമ്മുടെ സ്നേഹത്തിന്റെ അടയാളാണ്. ഇങ്ങനൊയൊരു മധുരതരമായ മായാജാലത്തിന് ഞാൻ എന്നും നിന്നോട് നന്ദിയുള്ളവളായിരിക്കും. നമ്മുടെ കുഞ്ഞായി നിന്നെ വീണ്ടും ഭൂമിയിലേക്ക് തിരിച്ചുകൊണ്ടുവരുന്നതിനായി എനിക്ക് കാത്തിരിക്കാനാവുന്നില്ല. നിന്നെ തൊടാൻ എനിക്ക് കാത്തിരിക്കാനാവുന്നില്ല. നിന്റെ പുഞ്ചിരി വീണ്ടും കാണാൻ കാത്താരിക്കാനാവില്ല . മുറിയൊന്നാകെ പ്രകാശിപ്പിക്കുന്ന നിന്റെ ചിരിക്കായി കാത്തിരിക്കാനാവുന്നില്ല എന്നായിരുന്നു ചിരഞ്ജീവി സര്ജയുടെ മരണത്തിന് ശേഷം ഒരിക്കല് മേഘ്ന എഴുതിയിരുന്നതും.
