'നിങ്ങളുടെ കണ്ണുകളിലെ തിളക്കം മിസ് ചെയ്യുന്നു ഡാഡി', വൈകാരികമായ കുറിപ്പുമായി നടി ഹിനാ ഖാൻ
ഹിനാ ഖാന്റെ പിതാവ് 2021 ഏപ്രിലിലാണ് അന്തരിച്ചത്.
ടെലിവിഷനിലും വെള്ളിത്തിരയിലും ഒരേപോലെ തിളങ്ങുന്ന നടിയാണ് ഹിനാ ഖാൻ. ഹിനാ ഖാന്റെ പിതാവ് അസ്ലാം ഖാൻ 2021 ഏപ്രിലിലാണ് അന്തരിച്ചത്. പിതാവ് മരിച്ച വിവരം അന്ന് ഹിനാ ഖാൻ തന്നെയാണ് അറിയിച്ചത്. ഇപോഴിതാ പിതാവിനെ കുറിച്ച് വൈകാരികമായ കുറിപ്പുമായി എത്തിയിരിക്കുകയാണ് ഹിനാ ഖാൻ.
നിങ്ങളുടെ കണ്ണുകളിലെ തിളക്കം മിസ് ചെയ്യുന്നു, ഡാഡി. ഇന്ന് മൂന്ന് മാസം, 2021 ഏപ്രിൽ 20. ഡാഡിസ് സ്‍ട്രോംഗ് സോംഗ്. ഇങ്ങനെയാണ് നിങ്ങൾ എന്നെ എപ്പോഴും വിളിച്ചിരുന്നത് . നിങ്ങളുടെ നഷ്‍ടം വഹിക്കാൻ എനിക്ക് വയ്യ, ഡാഡി. കരയുന്നതിൽ കുഴപ്പമില്ല എന്നും ഹിനാ ഖാൻ എഴുതുന്നു.
അച്ഛൻ മരിക്കുന്ന സമയത്ത് ഹിനാ ഖാൻ ജോലി ആവശ്യത്തിന് പോയതിനാല്‍ അടുത്തുണ്ടായിരുന്നില്ല.
ആ സമയം തന്നെ ഹിനാ ഖാൻ കൊവിഡ് പൊസിറ്റീവാകുകയും ചെയ്‍തിരുന്നു.
Last Updated Jul 20, 2021, 9:20 PM IST
