മണി ഹെയ്സ്റ്റിൽ പൃഥ്വിരാജിനും ഫഹദിനും ഏത് റോൾ? വീഡിയോ വൈറൽ
സീരീസിന്റെ അഞ്ചാം സീസൺ വരുന്നതിന്റെ ആവേശത്തിലാണ് കേരളത്തിലുള്ള ആരാധകരും.
നെറ്റ്ഫ്ലിക്സിന്റെ ഹിറ്റ് സീരീസാണ് മണി ഹെയ്സ്റ്റ്. സ്പാനിഷ് സീരീസായിട്ട് കൂടി ലോകത്തില് ആകമാനം ആരാധകരെ സൃഷ്ടിക്കാന് മണി ഹെയ്സ്റ്റിന് സാധിച്ചു. സീരീസിന്റെ അഞ്ചാം സീസൺ വരുന്നതിന്റെ ആവേശത്തിലാണ് കേരളത്തിലുള്ള ആരാധകരും. സെപ്റ്റംബറിലാണ് അഞ്ചാം ഭാഗമെത്തുക. ഇതിനിടെ മണി ഹെയ്സ്റ്റിൽ മലയാളി താരങ്ങൾ അഭിനയിച്ചാൽ ആരൊക്കെയാകും കഥാപാത്രങ്ങളാവുക എന്ന വീഡിയോയും വൈറലാകുകയാണ്.
പ്രൊഫസറായി പൃഥ്വിരാജിനെയും പലെർമോ ആയി ഫഹദ് ഫാസിലിനെയുമാണ് വീഡിയോയിൽ കാണിക്കുന്നത്. റാക്വേൽ ആയി മഞ്ജു വാര്യരും ഡെൻവർ ആയി ആസിഫ് അലിയും ഉണ്ട്. ടോക്യോ ആയി രജീഷ വിജയൻ, റിയോ ആയി ഷെയ്ൻ നിഗം, ജൂലിയ ആയി സംയുക്ത, സ്റ്റോക്ഹോം ആയി മംമ്ത മോഹൻദാസ്, ഹെൽസിങ്കി ആയി ബാബുരാജ്, ബൊഗോട്ടി ആയി ജോജു, മാർസെല്ല ആയി ചെമ്പൻ വിനോദിനെയുമാണ് അവതരിപ്പിച്ചിരിക്കുന്നത്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിൻ എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യർത്ഥിക്കുന്നു. ഒന്നിച്ച് നിന്നാൽ നമുക്കീ മഹാമാരിയെ തോൽപ്പിക്കാനാവും. #BreakTheChain #ANCares #IndiaFightsCorona