ജനപ്രീതിയില് ഇന്ത്യയില് നായികമാരില് തെന്നിന്ത്യൻ താരമാണ് ഒന്നാമത്.
ജനപ്രീതിയില് ഒന്നാം സ്ഥാനത്ത് തെന്നിന്ത്യൻ താരം സാമന്ത. ബോളിവുഡ് നടി ആലിയ ഭട്ടിനെയാണ് തെന്നിന്ത്യൻ നടി വീണ്ടും മറികടന്നത്. ഓര്മാക്സ് മീഡിയയാണ് പട്ടിക പുറത്തുവിട്ടത്. ഏപ്രില് മാസത്തെ പട്ടികയാണ് പുറത്തുവിട്ടത്.
ആലിയ ഭട്ട് രണ്ടാമത് എത്തിയപ്പോള് ബോളിവുഡിലെ മുൻനിര നടി ദീപിക പദുക്കോണ് മൂന്നാം സ്ഥാനത്തും എത്തിനില്ക്കുന്നു. സിനിമകളില് നിരന്തരം ഭാഗമാകുന്നതാണ് ബോളിവുഡ് താരത്തെ മുന്നിലെത്തിച്ചത്. സാമൂഹ്യ മാധ്യമങ്ങളിലും നിറഞ്ഞുനില്ക്കാൻ ബോളിവുഡ് താരത്തിന് സാധിക്കുന്നുണ്ട്. ഏറ്റവും പ്രതിഫലം വാങ്ങിക്കുന്ന ഇന്ത്യൻ താരങ്ങളില് ഒരാളുമാണ് നടി ദീപിക പദുക്കോണ്.
നാലാമതുള്ള നായിക രശ്മിക മന്ദാനയാണ്. തൊട്ടുപിന്നില് കാജല് അഗര്വാളാണ് ഉള്ളത്. ആറാം സ്ഥാനത്ത് സ്ഥാനത്ത് അജിത് കുമാര് ചിത്രത്തില് നായികയായി റിപ്പോര്ട്ടുകളില് നിറഞ്ഞുനിന്ന തൃഷയും ഇടംനേടി എന്നാണ് റിപ്പോര്ട്ട്. നായികമാരുടെ പട്ടികയില് ഏഴാം സ്ഥാനത്തെ താരം ഒരു അത്ഭുതമാണ്. മലയാളികളുടെയും പ്രിയപ്പെട്ട സായ് പല്ലവിയാണ് താരങ്ങളില് ഏഴാമതുള്ളത്. തുടര്ച്ചയായി ഹിറ്റുകളുടെ ഭാഗമാകുന്നതാണ് നായിക താരങ്ങളില് മുന്നിലെത്താൻ സായ് പല്ലവിയെയും സഹായിച്ചത്. രാജ്യമൊട്ടാകെ ശ്രദ്ധയാകര്ഷിച്ച തമിഴ് ഭാഷാ ചിത്രം അമരനില് സായ് പല്ലവിയായിരുന്നു നായിക. കമല്ഹാസൻ ആയിരുന്നു ചിത്രം നിര്മിച്ചത്. ശിവകാര്ത്തികേയനായിരുന്നു അമരനില് നായകനായി എത്തിയത്. ചിത്രം ആഗോള കളക്ഷനില് 300 കോടി ക്ലബില് എത്തുകയും ചെയ്തിരുന്നു. തുടര്ന്ന് സായ് പല്ലവി നായികയായ തെലുങ്ക് ചിത്രം തണ്ടേലും വൻ ഹിറ്റായി മാറിയിരുന്നു. നാഗചൈതന്യ നായകനായ ചിത്രം 100 കോടി ക്ലബിലെത്തിയിരുന്നു.
Related Articles
സായ്ക്ക് പിന്നാലെ നയൻതാരയും ബോളിവുഡ് താരങ്ങളായ കത്രീന കൈഫും ശ്രദ്ധ കപൂറും ഇടംനേടി എന്നാണ് ഓര്മാക്സ് മീഡിയ പുറത്തുവിട്ട ഏപ്രില് മാസത്തെ പട്ടികയില് വ്യക്തമാക്കുന്നത്.
