വിജയ്യുടെ 'ലിയോ' എന്ന പുതിയ ചിത്രത്തില് സഞ്ജയ് ദത്തുമുണ്ട്.
ലോകേഷ് കനകരാജ് സംവിധാനം ചെയ്യുന്ന ചിത്രം 'ലിയോ'യ്ക്കായുള്ള കാത്തിരിപ്പിലാണ് ആരാധകര്. 'മാസ്റ്റര്' എന്ന ഹിറ്റ് ചിത്രത്തിനു ശേഷം ലോകേഷ് കനകരാജും വിജയ്യും ഒന്നിക്കുന്നുവെന്നതിനാല് വലിയ പ്രതീക്ഷകളാണ്. ജമ്മു കശ്മീരിലാണ് ചിത്രീകരണം നടക്കുന്നത്. 'ലിയോ' എന്ന ചിത്രത്തില് നിര്ണായക കഥാപാത്രമാകുന്ന സഞ്ജയ് ദത്ത് പങ്കുവെച്ച ഒരു ഫോട്ടോയാണ് ഇപ്പോള് ശ്രദ്ധയാകര്ഷിക്കുന്നത്.
മനസിന്റെ ശക്തിയെ ഒരിക്കലും കുറച്ചുകാണരുത് എന്ന ക്യാപ്ഷനോടെയാണ് സഞ്ജയ് ദത്ത് ഫോട്ടോ പങ്കുവെച്ചിരിക്കുന്നത്. തൃഷയാണ് വിജയ് ചിത്രത്തില് നായിക. വിജയ്യും തൃഷയും 14 വര്ഷങ്ങള്ക്ക് ശേഷമാണ് വീണ്ടും ഒന്നിക്കുന്നത്. മലയാളി യുവ നടൻ മാത്യു, സംവിധായകൻ ഗൗതം വാസുദേവ് മേനോൻ, പ്രിയ ആനന്ദ്, സാൻഡി, മിഷ്കിൻ, മൻസൂര് അലി ഖാൻ, അര്ജുൻ തുടങ്ങിയവരും ചിത്രത്തിലുണ്ട്.
വംശി പൈഡിപ്പള്ളി സംവിധാനം ചെയ്ത ചിത്രമായ 'വാരിസാ'ണ് വിജയ്യുടേതായി ഏറ്റവും ഒടുവില് പ്രദര്ശനത്തിന് എത്തിയത്. വിജയ് നായകനായ 'വാരിസ്' എന്ന സിനിമയിൽ ഒരു പ്രധാന കഥാപാത്രമായി എസ് ജെ സൂര്യയും എത്തിയിരുന്നു. വിജയ്യും എസ് ജെ സൂര്യയും ഒന്നിച്ചനാലാമത്തെ ചിത്രം എന്ന പ്രത്യേകതയുണ്ട് 'വാരിസി'ന്. ശ്രീ വെങ്കടേശ്വര ക്രിയേഷൻസിന്റെ ബാനറിൽ ദിൽ രാജുവും ശിരീഷും ചേർന്നാണ് ചിത്രത്തിന്റെ നിർമ്മാണം.
ചിത്രത്തില് ശരത്കുമാര്, പ്രകാശ് രാജ്, പ്രഭു, ജയസുധ, ശരത്കുമാർ ശ്രീകാന്ത്, ഷാം, സംഗീത കൃഷ്, സംയുക്ത തുടങ്ങി വൻ താരനിരയും പ്രധാന കഥാപാത്രങ്ങളായി എത്തിയിരിക്കുന്നു. എസ് തമന്റെ സംഗീത സംവിധാനത്തിലുള്ള ചിത്രത്തിലെ 'രഞ്ജിതമേ', 'തീ ദളപതി', 'സോള് ഓഫ് വാരിസ്', 'ജിമിക്കി പൊണ്ണ്', 'വാ തലൈവാ' എന്നീ ഗാനങ്ങള് ഉള്പ്പെടുത്തിയിട്ടുള്ള ജൂക്ക്ബോക്സ് റിലീസിന് മുന്നേ വൻ ഹിറ്റായിരുന്നു. പൊങ്കല് റിലീസായി തമിഴിലും തെലുങ്കിലുമായി ഹരിപിക്ചേഴ്സ് ഇ ഫോർ എന്റർടെയ്ൻമെന്റ്, എയ്സ് എന്നിവർ ചേർന്നാണ് കേരളത്തിൽ വിജയ്യുടെ ചിത്രം പ്രദര്ശനത്തിന് എത്തിച്ചിരുന്നത്.
Read More: സോനു സൂദിന്റെ പഞ്ചാബിനെ കീഴടക്കി മനോജ് തിവാരിയുടെ ഭോജ്പുരി
