പത്ത് കിലോ ഭാരം കുറച്ചതിന്റെ ആഘോഷത്തിൽ നടി നിയ, വീഡിയോ ഏറ്റെടുത്ത് പ്രേക്ഷകർ
നിയ രഞ്‍ജിത്തിന്റെ വീഡിയോ ശ്രദ്ധയാകര്‍ഷിക്കുകയാണ്.
ടെലിവിഷന്‍ സീരിയലുകളിലൂടെയും കുക്കറി ഷോകളിലൂടെയും പ്രേക്ഷകര്‍ക്ക് പ്രിയങ്കരിയായ നടിയാണ് നിയ രഞ്ജിത്ത്. വിവാഹത്തിന് ശേഷം അഭിനയത്തില്‍ നിന്നും മാറി നില്‍ക്കുന്ന താരം കുടുംബത്തിനൊപ്പം ഇപ്പോള്‍ യു എസ്സില്‍ സെറ്റില്‍ഡ് ആണ്. അവിടെയുള്ള തന്റെ വിശേഷങ്ങള്‍ എല്ലാം നിയ യൂട്യൂബിലൂടെ അറിയിക്കാറുണ്ട്. ഭര്‍ത്താവ് രഞ്ജിത്തിനൊപ്പം ചേര്‍ന്ന് തടി കുറയ്ക്കാനുള്ള ശ്രമങ്ങള്‍ നടത്തിയതിൻറെ വിശേഷങ്ങളാണ് അടിത്തിടെയായി നടി പങ്കുവെച്ചിരിക്കുന്നു
തന്റെ ഡയറ്റ് പ്ലാനുകളും നിയ യൂട്യൂബിലൂടെ പങ്കുവയ്ക്കുന്നുണ്ടായിരുന്നു. അങ്ങിനെ ഒടുവില്‍ ഇപ്പോള്‍ നിയ പത്ത് കിലോ ശരീര ഭാരം കുറച്ചിരിക്കുകയാണ്. കൃത്യമായ ഡയറ്റും വ്യായാമവും ആണ് നിയയെ പത്ത് കിലോ ശരീര ഭാരം കുറയ്ക്കാനായി സഹായിച്ചത്. ഇപ്പോഴിതാ പത്ത് കിലോ ശരീര ഭാരം കുറച്ചത് ആഘോഷമാക്കുകയാണ് നടി.
തീര്‍ച്ചയായും ഇത് ആഘോഷിക്കേണ്ടത് തന്നെയാണ് എന്ന് നിയ പറയുന്നു. കുടുംബത്തിനും കൂട്ടുകാര്‍ക്കും ഒപ്പം ഒരു വണ്‍ ഡേ ട്രിപ്പ് പോയാണ് തടി കുറച്ചതിന്റെ ആഘോഷം നടത്തുന്നത്. അതിനിടയിലെ കാഴ്‍ചകളും വിശേഷങ്ങളും എല്ലാം പങ്കുവച്ചുകൊണ്ടാണ് നിയയുടെ പുതിയ വ്ളോഗ്. നടിയുടെ പുതിയ വ്ളോഗ് എന്തായാലും ഹിറ്റായി മാറിയിരിക്കുകയാണ്.
സുഹൃത്തുക്കള്‍ എല്ലാം തടി കൂടി എന്ന് പറഞ്ഞപ്പോഴൊന്നും ആരോഗ്യത്തെ കുറിച്ച് നിയ ശ്രദ്ധിച്ചിരുന്നില്ല. എന്റെ തടി കൊണ്ട് എനിക്കൊരു പ്രശ്‌നവും ഇല്ല, പിന്നെ കാണുന്നവര്‍ക്ക് എന്താണ് കുഴപ്പം എന്ന രീതിയിലായിരുന്നു നിയ പെരുമാറിയത്. എന്നാല്‍ രണ്ടാമത്തെ കുട്ടിയുടെ പിറന്നാളിന് എടുത്ത ചില ഫോട്ടോസില്‍ തന്റെ രൂപം കണ്ടപ്പോഴാണ് നിയയ്ക്ക് ബോധോദയം ഉണ്ടായത്. തടി വളരെ അധികം കൂടിയിട്ടുണ്ട് എന്നും, ഇനി അത് കുറയ്ക്കാതെ രക്ഷയില്ല എന്നും മനസ്സിലാക്കി. അങ്ങനെയാണ് ഡയറ്റിലേക്ക് താരം കടക്കുന്നത്.
Read More: 'നല്ല നിലാവുള്ള രാത്രി' മോഷൻ പോസ്റ്റർ മോഹൻലാൽ റിലീസ് ചെയ്‍തു
