മിസ്റ്ററി ത്രില്ലര്‍, അമേരിക്കൻ സിനിമയുടെ റീമേക്കുമായി പരിനീതി ചോപ്ര
അമേരിക്കൻ സിനിമയുടെ റീമേക്കില്‍ നായികയായി പരിനീതി ചോപ്ര.
ചുരുക്കം ചില സിനിമകളിലൂടെ തന്നെ പ്രേക്ഷകരുടെ ഇഷ്‍ടം സ്വന്തമാക്കിയ നായികയാണ് പരിനീതി ചോപ്ര. ഒരു മിസ്റ്ററി ത്രില്ലറായിട്ടുള്ള ദ ഗേള്‍ ഓണ്‍ ദ ട്രെയിൻ ആണ് പരിനീതി ചോപ്രയുടെതായി ഉടൻ പ്രദര്‍ശനത്തിന് എത്താനുള്ളത്. ചിത്രത്തിന്റെ പോസ്റ്ററുകളൊക്കെ ഓണ്‍ലൈനില്‍ തരംഗമായിരുന്നു. ചിത്രത്തിന്റെ റിലീസ് എപ്പോഴാണ് എന്ന് പ്രഖ്യാപിച്ചിട്ടില്ല.റിബ്ബു ദാസ്‍ഗുപ്‍തയാണ് ചിത്രം സംവിധാനം ചെയ്യുന്നത്.
ഇതുവരെ അഭിനയച്ചതില്‍ നിന്നും തീര്‍ത്തും വേറിട്ട ഒരു ചിത്രമാണ് ദ ഗേള്‍ ഓണ്‍ ദ ട്രെയിൻ എന്നാണ് പരിനീതി ചോപ്ര പറയുന്നത്. ബുദ്ധിമുട്ടുള്ള ഒരു കഥാപാത്രമാണ് ഇതെന്നും പരിനീതി പറയുന്നു. ദ ഗേള്‍ ഓണ്‍ ദ ട്രെയിൻ എന്ന അമേരിക്കൻ സിനിമയാണ് അതേപേരില്‍ ഹിന്ദിയിലേക്ക് റീമേക്ക് ചെയ്യുന്നത്. നായിക കേന്ദ്രീകൃതമായ സിനിമയായിരിക്കും ദ ഗേള്‍ ഓണ്‍ ദ ട്രെയിൻ.
